Zim Cricket hutu kuSA
EDDIE Hearn anoti mutambo waFloyd Mayweather naConor McGregor shasha yeUFC hauenderane.
Mayweather — uyo asina kumbobvira ambokundwa mutsiva — anonzi ari muhurukuro yekuti adzoke kuzorwa naMcGregor gore rino.
Mutsiva, Mayweather akarwa ka49 akahwina mitambo yake yose kozoti McGregor - uyo anokwikwidza muMMA - akwanisa kutamba mitambo 24 akahwina 21 ndokukundwa mitatu.
Hearn, uyo anove puromota wetsiva achishanda nevatambi vanoti Anthony Joshua, Kell Brook naTony Bellew, anoti ane vatambi vechidiki vanokwikwidza kuYork Hall vaanofunga kuti vanogona kukunda McGregor. Anoti zvakare anoyemura McGregor mashandiro aanoita mabhizimisi ake uye akawana mukana wekumurongera mutambo anoenda achimhanya.
Achitaura neThe Guardian, Hearn akati, “Handina hangu basa neMMA asi ndange ndichiyemura mashandiro aConor McGregor basa rake.
“McGregor mumwe wevatambi vepamusoro muMMA asi ndine vatambi vari kusimukira mutsiva kuYork Hall vanomudashura mumutambo wetsiva.” — SportsMail Boxing CHIKWATA chenyika checricket chemadzimai chakaenda kuSouth Africa uko chiri kunokwikwidza mumutambo we50-over quadrangular series nezvikwata zvinoti South Africa, India neIreland.
Mutambo uyu uchange uchitambirwa kudunhu reNorth West City kuPortchefstroom uye uchashandiswa neSouth Africa neIndia segadziriro dzekuenda kumakwikwi emutambo weICC Women’s World Cup uyo uchatambirwa kuEngland gore rino muna Chikumi uchizopera muna Chikunguru.
Zvakadai, Zimbabwe ichange ichishandisa mutambo uyu kuwanisa vatambi vayo mukana wekusimukira.
Zimbabwe Cr icket women’s cricket co-ordinator Caroline Nyamande anoti mutambo uyu wakakoshera chikwata chavo sezvo uchavapa mukana wekuti vatambi vavo vakwenenzvere matarenda avo.
“Ndekekutanga kedu kushevedzwa kunokwikwidza kumutambo mukuru wakaita seuyu sezvo zvikwata zvikuru izvi zviri kubatsira kusimudzira mutambo wedu.
“Kwatiri zvakatinakira sezvo zvichitipa mukana wekutamba nezvikwata zvikuru zvakaita seIndia neSouth Africa,” anodaro Nyamande.
Mutambo weZimbabwe wekutanga uriko svondo rino nemusi weSvondo apo ichasangana neSouth Africa kuSenwes Park uye yozosangana neIreland musi weChipiri kunhandare iyi zvakare.
Mutambo wechitatu