Chabvondoka kuTanganda Half Marathon
akabvuma kudzoka kuzorairidza nhabvu kekutanga zvichitevera kudzingwa kwaakaitwa basa neLeicester City asi zvinogona kutadzika nekuda kwemakore ake.
Ranieri ndiye ari kutarisirwa kugadzwa pachigaro chinopisa kuchikwata cheNantes chekuLigue 1, icho chiri kumirira kunzwa kubva kuFrench Football Federation (FFF) pamusoro penyaya iyi. Mitemo yeFFF inoti zvikwata zvenhabvu hazvikwanise kugadza murairidzi anenge adarika makore 65 ekuberekwa pachigaro uye Ranieri akasvitsa makore aya gore radarika.
Mutungamiri weNantes - Waldemar Kita - akaudza France Info kuti, “Ligi riri kubvumirana nazvo, asi ndinoziva kuti FFF ndiyo iri kunonoka kumugadza, handizive kuti sei.
“Chatiri kuda hunyanzvi hwaRanieri semurairidzi wenhabvu nekuti tinoziva kuti akwanisa kurairidza zvikwata zvikuru muEurope.”
Ranieri akahwina mukombe wePremier League mumwaka wake wekutanga achirairidza Leicester City, ndokutungamira chikwata ichi muChampions League kusvika chakwanisa kufambira mberi kubuda muboka racho gore radarika.
Asi akazodzingwa basa muna Kurume zvichitevera kudzikira kwainge kwave kuita matambiro echikwata ichi. Ranieri akamborairidza zvikwata zvakawanda zviri muEurope zvinosanganisira Fiorentina, Valencia, Atletico Madrid, Chelsea, Juventus, Monaco nenyika yeGreece.
Ave kuda kudzokera kuzorairidza kuFrance uye Nantes yakakumbira French FA kuti ibvise mutemo wavo wemakore unotarisirwa pavarairidzi kuti ikwanise kumugadza panyanga. Izvi zvakamboitika kare apo Lens yakagadza Guy Roux semurairidzi wayo. - Daily Mail Football.
SHANGWITI dzemujaho wekumhanya dzemuno nekunze kwenyika dziri kutarisirwa kukwikwidza mumakwishu eTanganda Half Marathon kwaMutare nemusi wa25 Chikumi.
Mujaho uyu - uyo unorongwa nekambani yeTanganda Tea Company - uchaona shasha dzekumhanya dzichikwikwidza makiromita anosvika 21.
Nhengo yekomiti yeTanganda Tea Company, Tsitsi Kumadiro, anoti gore rino mujaho uyu wadzoka zvine mutsindo.
“Tanganda Half Marathon wagara uri mumwe wemijaho mikuru inozivikanwa muno uye gore rino shasha dzemujaho uyu dzakawanda dzakanyoresa kuti dziri kuuya kuzokwikwidza,” anodaro.
Anoenderera mber i achiti, “Gore rino, tiri kutarisira kuona musiyano kudarika rapfuura.
“Chinangwa chedu kuti yemarathon - Kelvin Pangiso - achakwanisa kurwira kuchengetedza mukombe wake here we21 km uyo waave nemakore maviri achihwina.
Pangiso wechikwata cheZimbabwe Prisons and Correctional Services akakwanisa kuhwina zvakare gore rino anobva anyora nhoroondo yekuve mutambi wekutanga kuhwapura mukombe uyu mumakore matatu akatevedzana.
“P a ng i s o ma k o r e maviri adarika ndiye ange achihwina kurakidza kuti ishasha saka munhu wese anoda kumuona kuti gore rino anozvikwanisa zvakare here,” anodaro Kumadiro.
Mumujaho wemadzimai, Patience Murove - uyo akahwina gore radarika - ari kutarisirwa kuzokwikwidza zvakare.
Mimwe mijaho ichakwikwidzwa inosanganisira yewiricheya uyo wave nemakore mashanu uchihwiniwa naElford Moyo.
ZPC Kariba vs FC Platinum