NePrime Seed Co unopura mari
KAMBANI yePrime Seed Co, iyo inotengesa mbeu dzemumabindu, inokurudzira varimi kuti varime mbeu dzakauchikwa. Mbeu idzi dzinopa murimi gohwo repamusoro uye mari yakawanda.
Tinokurudzi ra kut i murimi azive mbeu dzakamunakira.
Murimi achienda kuchitoro chembeu anofanira kuenda achiziva mbeu yaanoda.
KuPrime Seed Co kune mbeu dzose dzemumabindu kana kuti maghadheni nedzemafuro emombe. Tinokurudzira varimi kuti vatenge mbeu dzakauchikwa zvemhando yepamusoro dzinonzi maHybrids.
Tine mbeu dzinosanganisira dzematomatisi, macabbage, repi, covo, hanyanisi (onion), peas, carrots, magaka, manhanga, mabutternut, mowa, nyevhe, beans nedzose dzimwe mbeu dzemumabindu.
Chakanakira kushanda neve Prime Seed Co ndechekuti vanoshanda nemadhumeni eHurumende uye vane madhumeni avowo ayo anozivisisa nezvekurimwa kwembesa dzemumabindu avo vakatekeshera nenyika yose.
Vhiki rino tichanyanyobatana mbeu yehanyanisi kana kuti onion, iyo inoshandiswa pakubika zvakawanda. Chekutanga tinokuridzira kuti murimi azive homwe kana kuti bhajeti rake.
Anofanirwa kuziwa kuti achashandisa zvinhu zvakawanda sei pakurima kwake uye goho raanokwanisa kuwana kana akarima achitevedza zvinodiwa. Tinokurudzirawo kuti murimi azive kwaanotengesera zvirimwa zvake kana akohwa.
Hatikurudziri kuti murimi aite gunda musaira nekuti aona sahwira wake achirima, iye otevedzerawo.
Murimi anofanirwa kutora kurima kunodaidzwa kuti horticulture sebhizimisi uye ave nechinangwa chepundutso.
Hanyanisi chirimwa chinofarira kurimwa kunotonhorera zvakaita semunguva yachando.
Chinowanzoda nguva inobuda zuva shoma. Mukatarisa muchando zuva rinonoka kubuda uye rokurumidza kunyura, ndiyo nguva yekurima hanyanisi.
KuPrime Seed Co tine mbeu dzehanyanisi dzepamusoro idzo dzinopa goho rakakura dzinoti Elad, Regent neNeptune.
Murimi akarima mbeu idzi anoziva kuti achatengesa goho rake achifara nekuti dzinozvitengesa dzoga kumusika. Murimi anogona kudzitengesa dzichiri nyoro achipima mabhanduru kana kuti dzaomeswa.
Elad ihanyanisi inoibva nemwedzi mitatu.
Ukaiomesa zvakanka inogona kugara mwedzi mina isina kuora.
Regent imbeu inoibva mumwedzi mitatu nechidimbu chidokodoko, inogona kutengeswa ichiri nyoro kana yaomeswa.
Inogara mwe d z i mishanu isati yaora kubva pakukohwewa kana ikaomeswa zvakanaka.
Imwe hanyanisi yetatu inonzi Neptune.
Iyi itsvuku mukat i nekunze uye inoibva kwapera mwedzi mitatu nekachidimbu.
Inogarawo mwedzi mina kana mishanu yakohwewa.
Hanyanisi dzinogona kurimwa mumhando yevhu rakasiyana-siyana, asi risina kunyanya kuita rechuru iro rinozoshatirawo pakukohwa paya nekuti murimi anotatarika pakudzura hanyanisi dzake.
Tinokurudzira varimi kuti vapote vachinovhenekerwa ivhu ravo kuti vaone kuti rine munyu wakadii uye rinoda mafetireza kana mifudze yakadii.
Kuvava kwevhu rinonyatsoita hanyanisi kunofanira kuva pa5.5 kuusvika pa6.5 PH.
Pakurima tinokurudzira kuti ivhu ringe rakatsetseka, risina mavhinga makuru kuti murimi adyare mbeu zvakanaka.
Pafetireza tinokurudzira kuti murimi ashandise Compound C inosvika churu pahuremu pahekita (1 000-1 300kgs/ ha) zvichienderana nekuvhenekwa kunenge kwakaitwa ivhu renyu.
Iyi fetireza inoiswa mugomba mamunenge muchizoisa nhodo dzenyu.
Murimi anofanira kuona kuti aisa fetireza rimwe divi regomba uye nhondo rimwe divi kuitira kuti nhondo dzisazotsva. Anaozoisawo fetireza yepamusoro (AN 100KGS) inoita kupera kwesvondo retatu, rechishanu nerechisere yakaenderana. Hatikurudzire kuti murimi anonoke kuisa fetireza yepamusoro nekuti inokudza mutsipa wehanyanisi yozotadza kuoma zvakanaka.
Murimi anokurudzirwa kuti asime mbeu yake pamidzere yenesi ozoti nondo dzake dzasimuka odzura achidyara mumunda make. Tinokurudzira kuti murimi ashandise 4kgs/ ha yembeu. Tinotarisira kuti murimi ave nemadzinde ehanyanisi anosvika 600 000-1 000 000 pahekita.
Hanyanisi chirimwa chinoda mvura iri pakati nepakati zvekuti semurimi unofanira kuramba uchiongorora mbesa dzako dzisaomerwe nemvura izvo zvinodzikisa goho rako. Pakurima hanyanisi dzemhando yapamusoro dzekuPrime Seed Co, murimi anokwanisa kuita mari inogona kupfuura kaviri mari yavanenge vashandisa kurima chirimwa ichochi kana zvaitwa nemazvo.
Varimi vazhinji vanotanga kukohwa hanyanisi dzichine mashizha adzo, vodzitengesa dzakasungwa kumisika. Vamwe ndivo vanodzisiya dzooma vozotengesa mberi. Tinokurudzira kuti varimi vachengete hanyanisi dzavo panzvimbo pane denga, pasingapinde mvura uye panopinda mhepo yakawanda kuti dzisakasikire kuora.
Sarudzo Yembeu:
Zvakakosha kuti murimi asarudze mbeu yakanaka nekuti ndiwo musimboti wekuti abudirire. Tinokurudzira kuti varimi vatenge mbeu dzakauchikwa zvepamusoro dzekuPrime Seed Co dzinonzi maHybrids muchiRungu. Murimi anofanira kusarudza hanyanisi inodiwa nemusika wake.
Heino mibvunzo yakakosha kubvunza pakusarudza mbeu yehanyanisi muchitoro:
inotora mazuva mangani
● kuti izoibva?
inorimwa mwaka upi
● wegore?
ine uremu hwakadii
● padzinde yakohwewa?
inochengetedzeka
● nguva yakadii yakohwewa?
Tinokurudzi ra kut i murimi atsvage humboo hwakakwana maererano nemibvunzo yehanyanisi dzePrime Seed Co kubva kumadhumeni edu akatekeshera nenyika yose. Onai mazita nenhare zvatakupai.
Silas Mutota ndiSales and Marketing Manager kuPrime Seed Co. Munogona kumubata pa: +263 773 473 948 kana silasmu@primeseed.co.zw