MANGA MUCHIZVIZIVA HERE ?

NZIRA yekutanga kushandiswa pakurera mhuri kuti madzimai asaite pamuviri inozivikanwa pasi rose ndeyendove yegarwe iyo inonzi yakatanga kushandiswa kunyika yeEgypt muna 2000 BC - Wikipedia.

Aries Kurume 21 - Kubvumbi 20

Mukushava, vamwe venyu voita hwedzvatsvatsva pose pafungirwa pomhanyirwa, asi iwe gona kuronda gwara rimwe chete.

Gemini Chivabvu 21 - Chikumi 20

Chibate-tsve choita kuti vamwe venyu vasapedze kutevedza gwara ravo rebudiriro, rega kuita mavato pakutevedza miono yako.

Leo Chikunguru 24-Nyamavhuvhu 22

Pakushava rega kuzvitendera kusvika pakupererwa nemazano, uye usarambire mune zvakambokuyamura mune ranezuro.

Libra Gunyana 24-Gumiguru 22

Vakawanda venyu vakatarisira bvoorero kubva kure, asi nyenyedzi yenyu yoratidza kuti kukunda kwenyu kuri pedyo nemi.

Sagittarius Mbudzi 21-Zvita 21

Mukuita sarudzo dzeupenyu rega kuchimbidza kumedza kutsenga uchada, mwaka wako wekutora nguva uchizeya.

Aquarius Ndira 23-Kukadzi 19

Muchasanganidzana nevamange mave nenguva musati maona, vachakunongedzerai kune zvitsva zvamange musina tarisiro yazvo.

Taurus Kubvumbi 21-Chivabvu 20

Ravidzo yetwakanaka muupenyu yaswedera, mazuva enyu ekugona kugamuchira zvamunotambidzwa.

Cancer Chikumi 21-Chikunguru 23

Paimboita sepasingasvikirike pave kuita pachisvikirika, ramba uchizviswedera pedyo nezvaunoshuvira. Murudo zvakanaka.

Virgo Nyamavhuvhu 23-Gunyana 23

Pakuita zvinhu regai kuteta. Zvikuru zvamunotarisira zvichauya mushure mekuzama zvizhinji.

Scorpio Gumiguru 23-Mbudzi 20

Sekutaurwa kwazvo nevakuru chidembo hachivhiyirwe pane vanhu, zivai nyaya dzekusataura pachaunga.

Capricorn Zvita 22-Ndira 22

Kune vaikuzvidza vaikutarisira pasi nekukushora asi mwaka uno vachakutsvaga vachida ruyamuro kubva kwauri.

Pisces Kukadzi 20-Kurume 20

Kune vachakusundira mukushanda mumazuva anotevera, rangarira chirevo chavakuru ati rima ati udye, mukuteya mariva zvibatwa zvirimo.