Tinoda runyararo: Matangira
MUMIRIRI weBindura South mudare reNational Assembly, Cde Remigious Matangira, vanoti vanogamuchira nemawoko maviri mashoko anogara achitaurwa nemutungamiri wenyika President Emmerson Mnangagwa ekuti zvizvarwa zveZimbabwe zvinofanira kubatana pamwe nekugara murunyararo.
President Mnangagwa vanozivikanwa nekuparidza shoko rerunya- raro pamwe nekubatana munyika pose pavanotaura kuruzhinji.
Cde Matangira vanoti runyararo nekubatana ndiwo musimboti webudiriro yenyika.
“Ndiyani angarambe mashoko kana ataurwa nababa mumba sekurudziro iyo tiri kupihwa naPresident vedu Cde Emmerson Mnangagwa? Hakuna asingade runyararo, ukaona mombe chaidzo dzichinanzvana runyararo nekuwirirana zvinova zvatiri kutenda mutungamiri wedu wenyika kuti shuviro yavo inofanirwa kutererwa nemunhu wose munyika,” vanodaro.
Vanoti mudunhu ravo vari kushanda murunyararo nevatungamiriri vanosanganisira madzishe nemasabhuku.
“Runyararo rwune zvibereko, semuBindura South muno, tine zvinobatika zvatakaita nekuti takabatana sevhu repachuru rinonetsa kupesanisa. Kubva 2012, taita mabasa anobatika akawanda kubvira mukuvaka zvikoro zvitsva nekuvandudza zvitsaru zvose nemakiriniki.
“Pamusoro pezvo, takavambawo zvirongwa zveminda yekudiridzira tichishandisa mari inobva kuHurumende, yeConstituency Development Fund (CDF), pamwe chete neyedu kuvaka madhamu nezvimwe zvakawanda,” vanodaro.
Cde Matangira vanoti kuburikidza nemari yehomwe yeShare Ownership Trust kubva kumigodhi inosanganisira Fredda Rebecca neTrojan Nickel Mi vakava nebudiriro huru mudunhu ra
Vanoti mumabasa avo, vanoshan zvakanaka naMambo Musana, VaJ Nyarumwe.
Cde Matangira vanotizve vane rongwa zvizhinji zvebudiriro izvo va tangisa asi zvisati zvapera zvavano kupedzisa munguva inotevera.
“Mari yeCDF haisati yauya asi ka ikangouya inofanirwa kunopedz mamwe emabasa aya,” vanodaro.