Aries Kurume 21 - Kubvumbi 20

Kusawirirana nevamwe kungakukwezverai muna taisireva, ngwarirai mafambiro enyu murege kubatwa nezvinopfuura.

Gemini Chivabvu 21 - Chikumi 20

Ravidzo yenyu yetwakanaka iripo mwaka uno, mazuva enyu ekugamuchira kubva kune vaye vaimbokufuratirai.

Leo Chikunguru 24-Nyamavhuvhu 22

Venyenyedzi yenyu vovaraidzwa netwakawanda twusina maturo, svinura uzive zvakakosha usapedzere miseve kumakunguwo.

Libra Gunyana 24-Gumiguru 22

Misi yapfuura vamwe venyu vange vongotevedza chamuka inyama, asi ano mazuva enyu ekupfirira matenga emiono yenyu.

Sagittarius Mbudzi 21-Zvita 21

Mwaka uno ndewako wekuvaka ruzhowa rwekuzvichengetedza kubva kune zvakasiyana. Munhaurwa dzemari bvoorero yako iripo.

Aquarius Ndira 23-Kukadzi 19

Vamwe vamirira kupunza zviumbwa zvako, ngwarira vaya vanoda kuita senge ndeve pedyo asi mwoyo yavo iri kure newe.

Taurus Kubvumbi 21-Chivabvu 20

Mufaro wenyu urimo mumitambo yakasiyana yamunofarira, murudo zvoratidza kuva zvine chiyedza chakanaka.

Cancer Chikumi 21-Chikunguru 23

Rupawo rwenyu rwuri mukushandisa renyu simba, budiriro mukushandisa dzenyu pfungwa iripo, raki rokutevera.

Virgo Nyamavhuvhu 23-Gunyana 23

Munguva inotevera zvitsva zvako zvave kuita zvichibukira, mazuva egamuchidzo kune vakawanda venyu.

Scorpio Gumiguru 23-Mbudzi 20

Vaye vaimbokufuratira vari kuuya vachizokutsvaga, vaye vaifunga kuti iwe uri weshure vachakanuka iwe wavapfuura.

Capricorn Zvita 22-Ndira 22

Shongedzo yemiono yako yave pedyo, rega kuchimbidzo kukanda mapfumo pasi, chenjerera urege kuputsa pfuko wasvika. Raki rinewe.

Pisces Kukadzi 20-Kurume 20

Mazuva anotevera ndeako ekupfumbidza yako miono, kunatsurudza nekutwasanudza paye pasina kunyatsoti twasa, kundo inewe.