MANGA MUCHIZVIZIVA HERE ?
NYENYEDZI inonzi Antares yakakura kakapetwa ka60 000 kudarika zuva. — Odd-Facts-Did-You-Know-Them
Aries Kurume 21 - Kubvumbi 20
Kune vamwe vongwarira kushoropodza twako twaunoita asi ivo pasina chavo chavakaita chinoratidzira.
Gemini Chivabvu 21 - Chikumi 20
Ruwoko rwako rwebasa rwazarurirwa kundo, mukushava zvakanaka zvako zviripo. Raki rofambidzana newe.
Leo Chikunguru 24-Nyamavhuvhu 22
Sekurehwa kwazvo, kamoto kamberevere kanopisa matanda mberi, ngwarira makava madiki anokupedzera munda wakarivara.
Libra Gunyana 24-Gumiguru 22
Vamwe venyu voperera mukuyedza nyoka negavi asi iyo iripo, rega kupedzera rako simba munhaurwa asi mukuita.
Sagittarius Mbudzi 21-Zvita 21
Mukushava, mwoyo wako wombosvika pamwe paunombofunga kuda kukanda mapfumo pasi, ramba wakamira mune zvaunotenda.
Aquarius Ndira 23-Kukadzi 19
Kutevedzera gwara rako remwaka wapfuura kune pundutso yako, rega kutendera zvirehwa-rehwa kukudzikisira.
Taurus Kubvumbi 21-Chivabvu 20
Rega kuva nepfungwa dzekumirira kupa mawoko, mazuva ako ekuuchirwawo aswedera.
Cancer Chikumi 21-Chikunguru 23
Nhava dzevamwe venyu murudo dzizere kwazvo mumazuva ano. Mune tarisiro huru murudo.
Virgo Nyamavhuvhu 23-Gunyana 23
Chipo chako chawakapihwa naNyadenga ndicho chine rako bvoorero, gona kuti zvako zviri mauri zvibukire.
Scorpio Gumiguru 23-Mbudzi 20
Munaiwo mabasa emawoko zvoratidzira kukunda kukuru kwamuri. Raki mune zverudo nezvemari roteverana nemi.
Capricorn Zvita 22-Ndira 22
Muzvigumbuso zvakasiyana zvave kumuka rega kuzvidya mwoyo nazvo, kundiso yako iripo. Mazuva ako Chipiri neChina.
Pisces Kukadzi 20-Kurume 20
Kutaurirana nemudiwa wako kuchakuvakirai nhaka yamuchazodya mune nguva inouya, raki rokuteverai.