MANGA MUCHIZIVA HERE?
UKAHETSURA uchishandisa simba rakadarikidza unokwanisa kutyora imwe yembavhu dzako uye ukada kudzivisa kuhetsura uku zvakare unokwanisa kuputitsa imwe yetsinga dziri mumusoro mako kana dzepahuro izvo zvinogona kuisa hupenyu hwako panjodzi. - Odd Facts About Your Body
Aries Kurume 21 - Kubvumbi 20
Mukushava, vamwe venyu voita hwedzvatsvatsva pose pafungirwa pomhanyirwa, asi iwe gona kuronda gwara rimwe chete, bvoorero iriko mberi.
Gemini Chivabvu 21 - Chikumi 20
Chibate-tsve bate-tsve choita kuti vamwe venyu vasapedze kutevedza gwara ravo rebudiriro, rega kuita mavato pakutevedza miono yako.
Leo Chikunguru 24-Nyamavhuvhu 22
Pakushava rega kuzvitendera kusvika pakupererwa nemazano, uye usarambire mune zvakambokuyamura mune rane zuro, gona kutanga hurukuro itsva.
Libra Gunyana 24-Gumiguru 22
Vakawanda venyu vakatarisira bvoorero kubva kure, asi nyenyedzi yenyu yoratidza kuti kukunda kwenyu kuri pedyo nemi. Ruvara rwoonderana nemi rwuchena.
Sagittarius Mbudzi 21-Zvita 21
Mukuita sarudzo dzeupenyu rega kuchimbidza kumedza kutsenga uchada, mwaka wako wekutora nguva uchizeya usati watanga kuteverana nezvausina chokwadi nazvo.
Aquarius Ndira 23-Kukadzi 19
Muchasanganidzana nevamwe vamange mave nenguva musati maona, ivava vachakunongedzerai kune zvimwe zvitsva zvamange musina tarisiro yazvo.
Taurus Kubvumbi 21-Chivabvu 20
Ravidzo yetwakanaka muupenyu yaswedera, mazuva enyu ekugona kugamuchira zvamunotambidzwa. Nhamba dzenyu dzevhiki ndipiri
nanomwe.
Cancer Chikumi 21-Chikunguru 23
Paye paimboita sepasingasvikirike pave kuita pachisvikirika, ramba uchizviswedera pedyo nezvaunoshuvira. Murudo zvotaridzika.
Virgo Nyamavhuvhu 23-Gunyana 23
Pakuita zvinhu regai kuteta, kana wadya imbwa chidya iri hono. Zvikuru zvamunotarisira zvichauya mushure mekuzama zvizhinji.
Scorpio Gumiguru 23-Mbudzi 20
Sekutaurwa kwazvo nevakuru chidembo hachivhiyirwe pane vanhu, zivai nyaya dzekusataura pachaunga, sarudzai nhaurwa dzenyu
nemazvo.
Capricorn Zvita 22-Ndira 22
Kune vaikuzvidza vaikutarisira pasi nekukushora asi mwaka uno vachakutsvaga vachida ruyamuro kubva kwauri. Raki rinewe mumari mwachewe.
Pisces Kukadzi 20-Kurume 20
Kune vachakusundira mukushanda mumazuva anotevera, rangarira chirevo chavakuru ati rima ati udye, mukuteya mariva zvibatwa zvako zvirimo.