Potorwa matanho ekupedza kufoira
ZVIKORO 36 zvepuraimari zviri mudunhu reMashonaland Central nguva pfupi yadarika zvakawana rubatsiro rwemabhuku ekuverenga, ekunyorera nezvimwe zvinodiwa padzidzo kubva kuRotary Club.
Mabhuku aya akapihwa kuzvikoro izvi neRotary Club of Harare Central, Rotary Club of Burg-Gethin, Rotary International District 198 neRotary Learning Library.
Vachitaura pagungano rekupihwa kwerubatsiro urwu paWadzanai Primary School iri kuShamva, mutungamiriri weRotary Club of Harare Central, Mai Theresa Buluzi vanoti donzvo ravo nderekusimudzira dzidzo, zvikuru kumaruwa. “Dzidzo ikodzero yemwana wose naizvozvo isu sesangano tiripo pakusimudzira fundo mune zvekunyora nekuverengwa kwemabhuku. Zvimwe zvikoro zviri kumaruwa zvine vana vanogona asi vanozoshaya mabhuku saka isu tiripo kuvabatsira.
“Zvakare, zvinorerutsira vadzidzisi mukufamba neSyllabus nenguva nekuda kwekuti mabhuku ekuverenga anenge aripo,” vanodaro Mai Buluzi.
Vanoenderera mberi vachiti, “Mabhuku apihwa anosanganisira 3 000 eduramazwi, 1 000 maAltases nemamwe evadzidzisi.”
HURUMENDE inoti icharamba ichivandudza zvikoro zvekumaruwa nechinangwa chekuti vana vadzidzire munharaunda yakanaka zvinozoita kuti vabudirire.
Vana vemune zvimwe zvikoro zvepuraimari zvekumaruwa vakakundikana pabvunzo dzeGrade 7 dzeZimbabwe School Examinations Council (Zimsec) dzakanyorwa munaMbudzi wegore rapera zvekushaya kana mumwe chete akapasa (0 percent pass rate) pachikoro chose.
Muhurukuro nemutevedzeri wegurukota redzidzo yepuraimari nesekondari, VaEdgar Moyo, vanoti zvimwe zvikoro zvekunzvimbo dzichakasaririra zviri kushaya zvinodiwa padzidzo zvakakwana.
“Gore rino tichange tichiongorora zvakanyanya kudzidza kwevana muzvikoro zvose. Tiri kuda kupedza dambudziko rekukundikana muchikoro kwevana kwakanyanya, kunyanya kuzvikoro zviri kunzvimbo dzakasarira. Tine chirongwa chePerfomance Lag Address Programme icho chakavambwa
Vanoti zvakare vari kuita zvirongwa zvekwizi izvo zvinobatsira kurodza njere dzevana.
“Tiri kushanda zvakare neveShamva District Better Schools. Mwedzi waChikunguru gore rino, tiri kuparura chirongwa cheSpelling Bee neQuiz. Makwikwi aya anosanganisira mibvunzo yezvidzidzo zvakasiyana-siyana pamwe nekuperetera mazwi zvinova zvichabatsira vana kuti vafunge nekukasika.”
Makwikwi aya achapindwa nevana 12 000 kubvira paGrade 5 kusvika 7.
Vanoti zvirongwa zvavari kuita zvinoenderana nezvinangwa zvepasi rose zveSustainable Development Goal nhamba 4, iyo inoti mwana wose ane kodzero yekuwana dzidzo yepamusoro.
“Tichange tichibatsira zvikoro zvichangosimukira nemabhuku nezvimwe zvinodiwa mukuvandudza dzidzo tichifambirana nekudzidza kuri kuita vana vechikoro pasi rose sekushandiswa kweruzivo rwechimanje-manje,” vanodaro Mai Buluzi.
VaClemence Mutembwa, avo vakafanobata chigaro chaDistrict Schools Inspector weShamva, vanoti vanokoshesa kubatsirwa kuri kuitwa zvikoro zviri mudunhu ravo nemasangano akasiyana. kubatsira zvikoro zvose zviri kunetseka kuti zvipe vana dzidzo yemhando yepamusoro.
“Takaona kuti chikonzero chikuru chekufoira kwevana kusavapo kwezvivakwa nezvekushandisa zvakakwana.
Zvikoro izvi ndizvo zvichatanga kuwana rubatsiro rwupi zvarwo rwuchapihwa neHurumende,” vanodaro VaMoyo.
Magwaro ane bazi redzidzo yepuraimari nesekondari maringe nekupasa kwakaita vana veGrade 7 gore rapera
“Mabhuku akavapo zvinova nyore kuvadzidzisi kuti vafundise vana pamwe anoratidza kuti Harare neBulawayo ndiwo matunhu oga asina kuwana zvikoro zvakaita ma0 percent pass rate kuchiteverwa Manicaland iyo ine zvikoro zviviri chete zvisina kana mwana akapasa pabvunzo idzi.
Matabeleland South ine zvikoro zvitatu zvakawana 0 percent pass rate kuchitiwo Matabeleland North ine zvakawandisa zvine vakadofora zvakanyanya zviri 20.
Masvingo ine zvikoro 16 zvakawana 0 percent pass rate, kuMashonaland West dunhu reMakonde ndiro rine zvikoro zvine vana vakanyanya kufoira pabvunzo idzo zviri 11.
Ongororo yakaitwa nebazi redzidzo iri pamusoro pebvunzo dzakanyorwa munaMbudzi inoratidza kuti zvikoro zviri munzvimbo dzinoita zvekucherwa goridhe zvine vana vakakundikana zvakanyanya pabvunzo dzeGrade 7.
“Tava kutarisa kuzvikoro zvisina kubuda zvakanaka tisina pfungwa yekupa chero ani mhosva asi kuti nechinangwa chekuti matambudziko aripo agadziriswe, vana vabudirire,” vanodaro VaMoyo. nekufambirana nenguva muzvidzidzo. Pakadai hakuna mwana anodofora, dzidzo mberi uye ikodzero yemwana wose,” vanodaro.