Djegia e mandateve, Balla: Opozita ka hallin e reformës në drejtësi

Kryetari

i grupit par lamentar të Partisë Socialiste, Taulant Balla, e lidh hapin e fundit të opozitës për të djegur mandatet me procesin e reformës në drejtësi dhe pikërisht me ngritjen e institucioneve të reja në drejtësi siç janë Byroja Kombëtare e Hetimit apo SPAK. Gjithsesi, ai ka theksuar se reforma në drejtësi jo vetëm që nuk ndalet nga djegia e mandateve, por se të enjten mazhoranca do të votojë strukturat e KLGJ dhe KLP. Sipas Ballës, vendimi i opozitës bie ndesh me atë që ndërkombëtarët presin nga faktori politik në vendin tonë, në kuadër të së ardhmes europiane. "Është e rëndësishme të bëhet e qartë për liderët e opozitës që nëse ata vazhdojnë të përbuzin parlamentin dhe mjetet demokratike, e vetmja gjë që do të arrijnë është distancimin e mëte- jshëm të elektoratit prej tyre. Kjo sjellje është e papranueshme nga partnerët tanë ndërkombëtarë, të cilët nuk mbështesin as metodat e dhunshme dhe as këtë lloj retorike. Debati politik duhet të ndodhë brenda institucioneve shtetërore, pikë së pari brenda parlamentit. Asnjë parti politike në Shqipëri nuk ka të drejtë të dëmtojë perspektivën europiane të Shqipërisë. Mandatet e deputeteve përfaqë- sojnë vullnetin e popullit. Djegia e tyre do të thotë injorimi i këtij vullneti", - u shpreh Balla gjatë një takimi me strukturat e PS- së në Elbasan, në kuadër të zgjedhjeve të ardhshme lokale. Balla ka kërkuar nga socialistët që të përqendrohen te zgjedhjet vendore. Sipas Ballës, konkurrenti kryesor i socialistëve në zgjedhje nuk është opozita, por organizimi elektoral.