Mbyti gruan e pronarit me porosi të tij, prokuroria kërkon burgim të përjetshëm për Fatjon Karmeshtnën
Ngjarja në prill të 2016- ës, ja si u vra nëna e 3 fëmijëve
SHKODËR - Prokuroria për Krime të Rënda ka kërkuar dënimin me burgim të përjetshëm për Fatjon Karmeshtnën, i akuzuar si vrasësi i Suela Sulës, me porosi të bashkëshortit të saj Sadetin Sula. Sipas organit të akuzës, 36- vjeçari është personi që ka mbytur me duar nënën e tre fëmijëve në tualetin e mobilierisë së familjes Sula në Shkodër në prill të vitit 2016. Për këtë ngjarje është dënuar me burgim të përjetshëm nga Gjykata e Shkallës së Parë dhe burri i viktimës, Sadetin Sula. Në seancën e djeshme, prokuroria lexoi dëshmitë, pro- vat materiale dhe shkencore, që sipas të cilave ekzekutori është Fajton Karmeshtna dhe qëllimi i krimit është përfitimi material, pasi ka marrë shuma monetare të caktuara nga bashkëshorti i viktimës. Suela Sula u gjet e pajetë më 18 prill të vitit 2016, në orën 12: 30, në fshatin Melgushë të Shkodrës. Trupi i nënës së tre fëmijëve u gjet në tualetin e mobilierisë, në të cilën viktima ishte bashkëpronare. Ajo ishte shoqëruar në punë nga bashkëshorti i saj, Sadetin Sula, i cili më pas është kthy- er në qytetin e Shkodrës. Si fillim rasti ishte konsideruar si vetëvrasje, por ekspertët mjeko- ligjorë arritën në konkluzionin se ajo ishte mbytur me duar nga një person. Më datën 7 prill 2017, nën akuzë u vu Sadetin Sula, i cili akuzohet për "vrasje me dashje për shkak të marrëdhënieve familjare". Motivi i vrasjes dyshohet se ka qenë xhelozia. Por në zbulimin e mënyrës se si u krye krimi ndihmuan tabulatet telefonike. Nga to re- zultoi se Sadetin Sula fliste shpesh me punëtorin Karmeshtna për gruan e tij dhe xhelozinë. Vrasja, që u cilësua më parë si vetëvrasje, u krye nga Fatjon Karmeshtna me urdhër të Sadetin Sulës. 35- vjeçari punonjës i mobilierisë, sipas prokurorisë, ka mbytur gruan e pronarit Sadetin Sula, me urdhër të këtij të fundit. Biznesmeni i frikësohej divorcit për përgjysmimin e pasurisë dhe akuzonte bashkëshorten për tradhti.