Sekuestrohen 20 celularë në burg

FIER - Punonjësit e sigurisë në burgun e Fierit kanë sekuestruar rreth 20 celularë të markave të ndryshme, të cilët u tentuan të futeshin brenda ambienteve te burgut të fshehura nëpërmjet portave të minifutbollit. Kapja e telefonave celularë u arrit nga punonjësit e sigurisë të burgut të Fierit, të cilët gjatë kontrollit të imtësishëm, arritën të zbulonin se brenda portave të mini futbollit ishin fshehur telefona celularë. Drejtoria e Përgjithshme e Burgjeve njofton se materialet i kanë kaluar prokurorisë për hetime të mëtejshme.