Kriza politike tremb investitorët
Politika po "djeg" investimet, Crawford: Investitorët, të stepur nga destabiliteti Problem, edhe ndryshimet e shpeshta fiskale në vend
Situata e trazuar poli tike në vend po step in vestitorët e huaj, të cilët kanë shfaqur interes për Shqipërinë. Alarmi është dhënë nga presidenti i Dhomës Amerikane të Tregtisë, Mark Crawford, sipas të cilit, destabiliteti ndikon negativisht në ekonomi dhe se investitorët e huaj vihen në "status" pritjeje. Drejtuesi i Dhomës Amerikane të Tregtisë preku edhe ndryshimet e shpeshta fiskale në vend, sipas të cilit favorizojnë ndjeshëm rajonin. Pak ditë më parë opozita zhvilloi një protestë masive përpara godinës së Kryeministrisë, ndërsa pritet që të mos përfaqësojë më votuesit në parlament, duke djegur mandatet.
Tensionet politike dhe pasiguria sjellin efekte negative për thithjen e investimeve të huaja në Shqipëri. Një ditë pas deklaratës së opozitës për lënien e mandateve të deputetëve, Mark Crawford, presidenti i Dhomës Amerikane të Tregtisë shprehet se mungesa e stabilitetit është gjithmonë një minus në aspektin ekonomik. Sipas tij, politika duhet të bëjë kujdes për imazhin që krijon. "Çdo gjë që jep stabiliteti është një plus. Çdo gjë që krijon një ambient që nuk është stabël është një minus. Investitorët thonë ' OK', nuk do nuk do investojnë, por do presin. Jam i shqetësuar për ata që nuk do vijnë këtu. Ky është imazhi që duhet të kujdesen politikanët", - thotë Mark Crawford. Rreziku i largimit të investitorëve të huaj është edhe më i dukshëm në një kohë kur vendet e Ballkanit kanë nisur politika favorizuese për ta. Madje, përfaqësuesi i biznesit amerikan në Shqipëri pranon se vendet e rajonit mbeten më tërheqëse. "Të paktën të jemi konkurrentë me rajonin, sepse nëse në Shkup ose në Prishtinë është më stabël, njerëzit do shkojnë ku është më stabël", - deklaron Mark Crawfrod. Kjo deklaratë erdhi pas një takimi që Dhoma Amerikane e Tregtisë zhvilloi me komisionerin për të drejtën e informimit dhe mbrojtjen e të dhënave personale në vend.
INVESTIMET
Investimet e huaja arritën në 266 milionë euro në tremujorin e tretë të vitit, duke rënë me 9.2% në raport me të njëjtën periudhë të 2017- ës. Të dhënat e reja të publikuara nga Banka e Shqipërisë bënë të ditur se efektin kryesor në këtë rënie e ka dhënë pikërisht energjia, sektori që vitet e fundit ka udhëhequr rritjen e investimeve të huaja. Investimet në energji zbritën në 101 milionë euro për periudhën korrik- shtator, nga 194 milionë euro në të njëjtën periudhë të një viti më parë, duke rënë me 47%. Rënia e investimeve në energji është kompensuar nga rritja e tyre në dy sektorë, atë të industrisë nxjerrëse, me 41%, duke arritur në 55 milionë euro. Sektori i dytë që ka parë zgjer- im të lartë është ai i aktiviteteve të pasurive të paluajtshme, me 138%, në 31 milionë euro. Për 9- mujorin, investimet e huaja në total 758 milionë euro, me një rritje prej 12%, si rrjedhojë e performancës së mirë të sektorit të energjisë në tremujorin e parë të vitit, ndërsa në dy tremujorët e tjerë investimet ishin në rënie. Në tremujorin e parë, investimet në energji arritën në 182 milionë euro, si rrjedhojë e punimeve të vështira që u bënë në zonën e Skraparit për shkak të tubave të gazsjellësit TAP, që u shtruan nën lumenj. Në total për 9- mujorin, investimet në energji arritën në 387 milionë euro, duke përbërë 51% të totalit dhe duke e lënë vendin të varur nga ecuria e tyre, ndërkohë që në 2019- ën, projekti i gazsjellësit TAP pritet të përfundojë.