NUUT IN DIE FLIEKS / MONEY MONSTER
Drama. Met George Clooney en Julia Roberts. Regisseur: Jodie Foster. 16T. Het op 3 Junie begin.
Waaroor gaan dit?
’n TV-verslaggewer wat sy lyf ook ekonoom hou, word regstreeks op die lug deur ’n jong man aangehou wat dreig om hom op te blaas omdat die joernalis hom swak geldraad gegee het.
Wie sal hiervan hou?
Feitlik almal wat Huisgenoot lees. Die rolprent is al ’n week of wat op die kringloop; as jy dit nog nie gesien het nie, kan jy dus sommer nou ’n kaartjie gaan koop.
Dit begin as ’n aanval op TV-aanbieders vir wie hul aansien en belangrikheid voorop is en wat nie werklik bekwaam genoeg is om kykers raad oor hul geldsake te gee nie, maar verander later in ’n katen-muisspeletjie waarin die ware booswig opwindend ontmasker word. Maar sal hy betyds aan die kaak gestel word voor nog skade aangerig word?
Moenie diepliggende boodskappe soek nie. Goed, dit gaan oor onverantwoordelike beriggewing, maar is eintlik daarop gerig om te vermaak saam met twee van die wêreld se voorste rolprentsterre, Julia Roberts en George Clooney.
Met die glans en gesag wat hulle na hul rolle bring, Eers was dit Nemo; nou is dit Dory wat soek is. en die bystand van die briljante jong Brit Jack O’Connell, word die karakters vlees-en-bloed-mense en nie net Hollywood-tipes nie.
As jy al ’n fliek gesien het wat glad geregisseer is, onderhoudend vertel word en jou sal boei tot die lekker einde, is dit dié een. Kritici kan meen dis te liggewig en selfvoldaan, maar as jy net oor die basterlangnaweek wil ontspan, is dit nommerpas. Die fliek het boonop ’n heel onverwagte skakel met SuidAfrika.
Flink redigering en die politiek agter ’n regstreekse televisieuitsending sal jou met oorgawe vermaak, terwyl die prikkelende intrige jou kan verras.
Kyk nou of wag vir DVD?
Gaan kyk dit in ’n teater, want die reaksie op die SuidAfrikaanse skakel en die onverwagte kinkels in die intrige moet ’n mens met ander deel. Network, Phone Booth. Jodie Foster het Julia Roberts per e-pos genader en probeer oorreed om in die rolprent te speel. George Clooney het haar finaal oortuig om in te willig. – LEON VAN NIEROP So het jy nog nooit gesien nie! Die ster van televisie se Sherlock Holmes vertolk die naamrol in Marvel se nuwe fliek Doctor Strange. Sy karakter, Stephen Strange, is ’n neurochirurg van wêreldformaat, maar ná ’ n motorongeluk is sy loopbaan daarmee heen. In sy soeke na antwoorde raak Stephen betrokke by die mistieke vegkuns van die Ancient One (Tilda Swinton). Met haar hulp word Stephen ’n kenner van towerkuns en gebruik hy sy nuutgevonde vaardighede om sy medemens teen booshede te beskerm. Doctor Strange word in November uitgereik.