KORTISOON VIR JOU NEUS
dun naald ingespuit word sodat dit nie te ongemaklik is nie.”
Volgens Charl is daar geen vaste reël oor hoeveel kortisooninspuitings ’n pasiënt mag of nie mag kry nie.
Maar voor jy links en regs begin inspuit, moet jy ’n paar riglyne in gedagte hou:
As ’n kortisooninspuiting nie werk nie – of baie vinnig uitgewerk is – moet jy nie die inspuiting sommer herhaal nie. Probeer eers ’n ander benadering.
Navorsing op diere het al getoon as jy te veel kortisooninspuitings kry, kan dit die tendons en kraakbeen verswak. “Dit is die hoofrede hoekom dokters die getal inspuitings beperk.” Neusspuite bevat ook dikwels kortisoon, maar hoe veilig is dit?
Volwassenes kan dit op lang termyn gebruik met min newe-effekte, sê dr. Irmin Henkel, ’n oor-neus-en-keelspesialis van Pretoria. Dit word selfs vir eenjarige kinders voorgeskryf. Hierdie spuite laat die bloedvate in die neus krimp om die turbinate binne-in die neus (twee sponsagtige strukture aan weerskante van die septum) te verklein. Wanneer hulle vergroot is, belemmer dit die lugvloei.
Die verminderde bloedvloei kan mettertyd die slymvlies van die neus beskadig, ’n toestand bekend as rinitis medicamentosa wat gekenmerk word deur ’n verstopte neus. Die gebruik van neusspuite met kortisoon moet dan gestaak word.