BEHOORLIKE TOETSRIT
niesenie werkingkin kan daaronderda ly asa ’n mo- tor te l lankk staan.
“Dit is kritiek belangrik dat ’n motor ’n geloofwaardige, gestempelde diensboek moet hê,” sê Jeff. “Alle inligting oor ’n motor word ook deesdae op franchises se stelsels vasgelê. As ’n handelaar sê ’n diensboek is weg of die diensgeskiedenis is nie op ’n stelsel beskikbaar nie, stap liewer weg; dis dalk ’n teken van ’n toesmeerdery.”
Die Verbruikersbeskermingswet vereis dat verkopers heeltemal oop kaarte speel as die motor al in ’n ongeluk was. Maar geringe ongelukkies, soos ’n stamp teen die buffer, behoort nie jou besluit te beinvloed nie, sê Layton. torhuis of vertoonkamer,” sê Layton.
Maak seker die verfwerk lyk oral dieselfde; selfs geringe kleurveranderings kan beteken panele is vervang en dat die motor in ’n ongeluk was. Slordige spuitverfwerk aan die binnekant van die bakwerkpanele (kyk daarvoor met die deure oop) kan ook op herstelwerk ná ’n ongeluk dui. So ook oneweredige gleuwe tussen bakwerkpanele of skewe panele.
Kyk of al die deure, die enjinkap en die bagasiebak behoorlik oop- en toemaak, en let op na roes, veral in nate en aan die rand van die deure.
Dis belangrik om te kyk dat die verwering van die motor met die afstandmeterlesing rym. Die verwering van die rem-, koppelaar- en versnellerpedaal se rubberoppervlak moet strook met daardie lesing. As dit byvoorbeeld 10 000 km is, behoort hulle nog so te sê nuut te lyk.
Let op na enige fyn krake of kepies in die ruitglas, en toets al die ligte en ruitveërs. motor in te skuif en die onderstel en stuurkolom na te gaan nie, beveel Layton aan. Voel aan die uitlaatpyp en maak seker dis droog; ’n swart, ghrieserige afskeiding kan gebrande olie beteken.
Bande wat oneweredig afgeloop het, kan ook op groter probleme dui as wat met wielbelyning reggestel kan word.
Werk al die veiligheidsgordels, is daar genoeg plek vir ’n babastoel voor en agter indien nodig, sluit al die deure, skuif elke venster tot bo toe en is die remme in ’n uitstekende toestand? Bande word, helaas, soms oor die hoof gesien, maan Layton. Dis allerbelangrik: “Want as ’n verweerde of beskadigde band teen 120 km/h bars . . .”
Veiligheid:
Vandag se motors moet meestal met die eerste probeerslag aanskakel, sê Layton. Let op na stuur- of remprobleme, dat ratte egalig oorskakel en of daar tekens is van probleme soos enjinoorverhitting.
Dring aan op ’n voldoende rit: Jy moet na die hoogste rat kan verwissel en tot by 120 km/h kan versnel om te verseker die enjin het genoeg oemf, dat die motor deurgaans stabiel op die pad voel, en bloot dat jy gemaklik agter die stuur en in jou sitplek is.
Neem ’n werktuigkundige saam of ’n vriend wat iets van motors weet, sê Jeff, “en ry ver genoeg dat die enjin sy normale temperatuur bereik. Let op na ongewone geluide soos ’n geklop of geratel, na stuurvibrasies en of die motor na eenkant swenk wanneer jy rem. Dit kan alles dui op ongelukskade of oormatige slytasie.”