OPBRENGS EN RENTE

Die lid se aftreefondsvoordele behoort beleggingsopbrengste te verdien tot dit uitgekeer word en rente tot dit uitbetaal word. Enige verdienste tot op die datum van die belastingaanwysing maak deel van die aftreefondsvoordele uit. Enige rente wat ná die datum van die belastingaanwysing verdien word, word gewoonlik bygevoeg wanneer die voordeel uitbetaal word. Die rentekoers is dan dieselfde as vir die rente wat dit in die fonds se bankrekening verdien het.

Russell Anderson van die Spaar-en-beleggingsvereniging van Suid-Afrika beveel aan dat jy ’n knap finansiële adviseur raadpleeg, want daar is talle opsies en jy moet reg beplan sodat jy die beste inkomste kan kry solank jy leef.