SIT DIE BAL AAN DIE ROL
Daar is gewoonlik twee vereistes voor aftreefondsvoordele uitbetaal word, sê Hugh Hacking, hoof van Old Mutual Korporatiewe Konsultante: Die betaalstaatopdrag moet daarvoor gegee word en jy moet ’n eisopdragvorm voltooi. Dan kan die proses begin. Die personeelafdeling moet vir jou sê presies wat alles nodig is. Sorg dat jy dié inligting verstrek: jou belastingnommer, bewys van bankbesonderhede en ’n gesertifiseerde afskrif van jou ID.