SLAAN STRES
Wel, nou nie regtig nie. Maar op hul eie is aartappels en piesangs wonderlike peuselhappies teen stres. Die kalium in albei help jou bloeddruk reguleer, wat styg wanneer jy gespanne is. Dit sal ook die energie aanvul wat stres uit jou tap. ’n Gesigsmassering is ’n vinnige regmaker vir ’n spanningshoofpyn. En al wat jy nodig het, is jou hande. Daar is baie YouTube-video’s met aanwysings oor masserings wat stres verlig. Maar begin deur jou duime onder jou wenkbroue te hou en klein, ferm sirkelbewegings te maak tot die spanning wegsypel. Sekere reuke verminder stres. Aromaterapieolies soos laventel en peperment sal jou gefokus hou wanneer dit voel of jy in ’n streswolk begin verdwaal. Die reuk van groen appels verlig glo ook ’n spanningshoofpyn.
Maar kies geskikte tye hiervoor (by die skool is nou nie juis die volmaakte tyd nie). Soen stel endorfiene (daai goedvoelhormone) vry, wat jou lyf ’n inspuiting van geluk gee om stres te help verlaag.
Het jy ’n lewendige verbeelding? Gebruik dit. Skep vyf minute lank ’n vreedsame scenario in jou verbeelding. As jy alles daarin sit, sal jou brein begin glo dis die werklikheid. Dagdroom dat Liam Hemsworth of Zayn Malik jou ’n stywe drukkie gee, of dat jy pas die Lotto gewen het . . . jy sal dalk gou minder gespanne voel.