HEIDI KLUM EN JOHAN
DIS ietsi t wat t al ll lank kD David id Beckham se knieë lam maak: Sy slanke vrou leun vooroor, haar lippies getuit vir ’n soen . . . Maar vandag is dit nie op David se lippe dat Victoria haar pruilmondjie plak nie. Nee, sy buk af en soen hul jongste spruit, Harper, vol op die mond. Toe Victoria onlangs dié foto op Instagram deel, het sy gedink dis oulik om so haar liefde vir haar kind op dié se vyfde verjaardag te betoon. “Geluk met jou verjaardag, meisiekind. Ons is so lief vir jou. Soene van Mamma,” het sy langsaan geskryf.
Maar nie almal was beïndruk nie. “Walglik” en “vreemd” was van die kommentaar op sosiale media. Dit lyk dan asof sy haar kind op ’n seksuele manier soen! Wie sou ooit kon dink ’n piksoentjie sou so ’n storm kon ontketen?
Baie van Posh se aanhangers het volgehou dié soen is niks anders as moederliefde nie. Sommige het selfs foto’s gedeel waarop h hullell h hull ki kindersd op di die mondd soen met die hutswoorde #LiefdeIsLiefde en #LaatKindersKindersWees.
En nou woed ’n lewendige debat of dit aanvaarbaar is om jou kroos op die mond te soen.
“Sommige mense wil daardie soort liefde hê,” sê Ann Rennie, ’n berader by The Family Life Centre in Johannesburg. “Dit is vir hulle normaal, want dis hoe hulle grootgeword het. Hulle wil gedruk en gesoen word, terwyl ander in ’n baie anderse omgewing grootgeword en nie baie liggaamlike kontak gekry het nie.”
’n Soen van ’n ma aan haar dogter is ’n liefdesdaad, meen dr. Andrew Lewis, ’n kindersielkundige van Somerset-Wes.
“Solank die motief daarvoor suiwer en dit respekvol is. Ons is van nature liefdevolle wesens en hou van aanraking,” sê hy.
BAIE mense voel kinders moet deesdae vir hul eie belange kan opstaan, sê Melody PickCornelius, ’ n kliniese sielkundige van Kaapstad. “Vra die kind of jy hom ’n soentjie en ’n drukkie mag gee en die kind sê dan ja of nee. In die verlede het kinders nie die vermoë gehad om vir hulself in die bres te tree nie. Ek kom uit ’n era toe ons by familie in die een hoek van ’n vertrek begin soen en ombeweeg het.”
Volgens haar moet die kind jou lei en vir jou kan sê waarvan hy of sy nie hou nie. “As jy ’n goeie verhouding met die kind het, sal hulle jou gou sê.”
Dis in kinders se belang om self te besluit of hulle hul ouma, oupa, oom of tannie op die mond wil soen, sê dr. Jolanda Dreyer, sielkundige van Pretoria. “Jy kan hulle liewer leer om iemand in die oë te kyk, met ’n glimlag te groet en te sê: ‘Hallo, Tannie,’ of: ‘Hallo, Oom.’ ”
Sy sê kinders moet self kies of hulle ’n familielid wil soen. En as hulle dit nie wil doen nie, moet jy hulle leer dat die alternatief is om hulle met ’n glimlag te groet