VANG ASSEBLIEF DIÉ KUBERSKURKE

My hart gaan uit na Soozi Dinnie nadat die geld gesteel is waarmee haar vriende vir haar ’n rolstoel wou koop (Kuberskelm vort met my reddingsboei, 28 Julie). Ek ken haar. Sy was ’n mediese ver-koopsverteenwoordiger en het baie na ons afdeling, dermatologie, by die Tygerberg-hospitaal gekom om die dokters te spreek oor haar firma se produkte. Sy sou getrou by my inloer en dan het sy altyd lekker gesels. ’n Borrelende persoonlikheid. Dit was met groot skok toe ons hoor van haar ongeluk.

Ek hoop daardie internetboewe word gevang. Niemand verdien dit nie. Ons almal hier dink aan jou, Soozi. LIZELLE MARSHALL