MASALA-TAMATIEBREDIE

GENOEG VIR 4 MENSE Bereiding: 10 min. Gaarmaak: 1 uur 30 min. 750 g beesstowevleis (met been) sout en vars gemaalde peper 30 ml (2 e) olyfolie 4 knoffelhuisies, gekap 2 uie, in skyfies gesny 5 ml (1 t) brandrissievlokkies 15-30 ml (1-2 e) geroosterde

masala 100 g tamatiepasta 250 ml (1 k) beesvleisaftreksel 1 x 410 g-blik heel tamaties 30 ml (2 e) bruinsuiker 15 ml (1 e) suurlemoensap

Geur die vleis aan alle kante goed met die sout en peper. Verhit die olie in ’n groot kastrol en braai die vleis in sarsies tot goudbruin. Skep uit en hou eenkant.

Braai die knoffel en uie tot gekaramelliseer. Voeg die brandrissievlokkies en masala by en roerbraai 1 min. Voeg die tamatiepasta by en meng goed deur.

Skep die vleis terug in die kastrol en giet die aftreksel oor. Voeg nog 3 x 250 ml (3 k) water by en bring tot kookpunt. Laat die bredie kook tot die vleis sag is (ongeveer 1 uur, na gelang van die soort vleis). Voeg nog water by indien nodig.

Voeg die tamaties, suiker en suurlemoensap by en laat prut nog 15 min. Geur met die sout en peper.

Sit die bredie voor saam met vars origanum* en ciabatta*.