BAOBABS OF THE WORLD – THE UPSIDE-DOWN TREES OF MADAGASCAR, AFRICA AND AUSTRALIA

Deur Andry Petignat en Louise Jasper (Struik Nature, R230) Die kremetartboom maak selfs sy buiging in die klassieke kinderverhaal Die Klein Prinsie, waar dit ’n boom so groot soos ’n kasteel genoem word wat nie eens deur ’n hele trop olifante opgeëet sou kon word nie. Net sy vorm alleen fassineer almal wat die “onderstebo” bome sien, maar daar is veel meer aan kremetarte. In hierdie gids word algemene inligting oor hul lewensgeskiedenis gegee en in die tweede afdeling is ’n gids oor elk van die agt spesies, onder meer die botaniese beskrywing, habitat en gebruike.

Die fassinerendste is die foto’s van hierdie bome wat soos avantgarde-landkuns lyk.