DODELIKE OUPA

Ek was in gr. 11 en een van ons take was om ’n veteraan uit die Tweede Wêreldoorlog daaroor uit te vra.

Aangesien my oupa daardie tyd in Italië gedien het, het ek sommer met hom daaroor gepraat.

Ná ’n paar eenvoudige vrae het ek versigtig gevra: “Het Oupa ooit iemand doodgemaak?”

My oupa het stil geword. Toe sê hy saggies: “Heel moontlik – ek was die kok.” SAN MARCHAND, BELLVILLE