REGSTELLING
In ’n artikel oor kortisoon (Penarie met die pyn, 30 Junie) het Huisgenoot dr. Irmin Henkel, ’n oor-neus-en-keelspesialis van Pretoria, verkeerdelik aangehaal dat die langdurige gebruik van kortisoon-neusspuite tot rinitis medicamentosa, skade aan die neus se slymvlies, kan lei. Dr. Henkel het inderwaarheid gesê die gebruik van gewone neusspuite wat sonder voorskrif gekoop word, kan tot rinitis medicamentosa lei as dit langer as drie weke gebruik word.
Kortisoon-neusspuite, daarenteen, is baie veilig en het selde enige newe-effekte op lang termyn.