WAT IS ’N STAAT VAN BESKULDIGING?
sanksies toegepas word?” vra Leslie Kiernan, ’n vennoot in die regsfirma Akin Gump en onder Obama ’n adjunkraadgewer in die Withuis. In Amerika is dit deel van ’n tweestapproses om ’n president uit die amp te verwyder op grond van verraad, omkopery of ander ernstige misdade en oortredings. Dit kan insluit oortreding van die wet, misbruik van mag of skending van openbare vertroue.
Eerstens berus dit by die Huis van Verteenwoordigers om die bal aan die rol te sit deur ná ’n ondersoek of debat oor die saak te stem. As die meeste van die stemme ten gunste daarvan is, sal dit tot ’n staat van beskuldiging lei. Dit hang dan van die 100 mans en vroue af wat in die senaat sit om oor die saak te besluit. As twee derdes hom skuldig bevind, sal hy uit die amp verwyder word.
Nog net twee vorige president is al in ’n staat van beskuldiging geplaas. Andrew Johnson, die 17de president van Amerika, is in 1868 in ’n staat van beskuldiging geplaas omdat hy die Ampstermynwet oortree het deur sy minister van oorlog, Edwin M. Stanton, sonder die senaat se goedkeuring af te dank. Toe die saak voor die senaat dien, het hy sy afdanking met net een stem vrygespring.
Bill Clinton is in 1998 in ’n staat van beskuldiging geplaas nadat die Huis van Verteenwoordigers hom aan meineed en dwarsboming van die gereg skuldig bevind het omdat hy onder eed oor sy buite-egtelike verhouding met die Withuis-intern Monica Lewinsky gelieg het. Maar die senaat het hom later vrygespreek en hy is toegelaat om sy tweede termyn te voltooi.
As Trump in ’n staat van beskuldiging geplaas word, sal die aangewese adjunkpresident, Mike Pence, oorneem.
Die Britse beroepswedders Ladbrokes bied ’ n wedsyfer van 50- 50 aan dat Trump voor sy eerste termyn verstryk in ’n staat van beskuldiging geplaas sal word of self sal bedank. BRONNE: NYMAG.COM, THE INDEPENDENT, QZ.COM, BBC.CO.UK, NYTIMES.COM, WASHINGTONPOST.COM, THEATLANTIC.COM