AGTER VERNON SE SUKSES
Vernon het Bobby weer laat huil op TV; ontmoet die blinde ster se merkwaardige gesin wat sterk staan deur talle rampe
UITDAGING soos blindheid kan jou vlerke gee eerder as om dit te knip, het Vernon Barnard gewys toe hy verlede jaar op 22 aan M- Net se werklikheid s reeks The Voice South Africa deelneem. Met sy eerste oudisie het hy drie van die vier beoordelaars so geroer dat hulle aangedaan geraak het. Een van hulle was die sanger Bobby van Jaarsveld, met wie se hulp die blinde sanger tot in die eindronde sou vorder.
Onlangs is die bordjies verhang toe Vernon in die tweede aflewering van die werklikheid s reeks Bo b bye n Karlien: In Jou Skoene die ervaring van sy wêreld met Bobby (29) deel.
Die gewilde sanger is geblinddoek en het die Strand, waar Vernon se ouers woon, 48 uur lank saam met sy sangeressus, Karlien (31), verken. Weer was Bobby in trane. “Ek is ’n dag lank blind en kan dit nie hanteer nie,” het hy gebieg.
Vernon se gesig gestremdheid het nie vir hom deure uit jammerhartigheid ge- open nie; hy moes dit self oopsing.
En agter sy suksesverhaal is ’n vasberade pa, ook Vernon, wat die gom in die gesin was toe sy oudste seun op ses blind verklaar en Parkinsonsiekte twee jaar later by sy vrou, Benéta (toe 34), gediagnoseer word.
“Dit was beslis nie maklik nie,” sê Vernon sr. (50) by die huis in die Strand, waar hy, sy vrou en hul jongste seun, Charl (20), woon. “Daar was destyds vir my geen ander keuse as om die beste van ’n slegte saak te maak nie.
“Ek het ook besef dat die rol wat ’n man speel en die besluite wat hy namens die gesin neem, ’n blywende uitwerking gaan hê, goed of sleg.
“Om te hoor dat gloukoom by jou sewe weke oue baba gediagnoseer is en dat dit tot blindheid kan lei, was skokkend en oorweldigend, om die minste te sê,” erken hy. “Maar ons het besluit om Vernon van kleins af aan te moedig om altyd sy beste te gee en hom daarvan bewus gemaak daar is ’n groot doel met sy lewe.
“Ons het hom probeer grootmaak en hanteer soos ’n gewone kind met ’n ge- stremdheid. Ons het baie dinge saam gedoen: geswem, vier wiel motorfietse n waterponie gery, glybaan. Hy het vir baie kans gesien, selfs om fiets te ry,” vertel die trotse pa.
Benéta se lewensgehalte het die laaste paar jaar drasties verswak. “Baiekeer vries sy en kan die mees basiese take nie self verrig nie. Dis nie maklik om te sien hoe die gesondheid van ’n eens spontane, lewenslustige geliefde so agteruitgaan en te besef hoe magteloos ons staan nie . . .”
Juis daarom beteken Vernon se sukses soveel vir hulle. “Ons is so dankbaar dat hy iets kon vind om te doen waarvoor hy lief is,” sê Benéta (49).
“Hy het selfs v irons’ n inspirasie geword en’ n toonbeeld van deursettingsvermoë, ongeag jou omstandighede .”
HUL talentvolle seun se oudisie vir The Voice het nie net Suid-Afrikaanse kykers aangegryp nie. Die video daarvan het ’n treffer op YouTube geword: Dit is 23 miljoen keer op Spaanse radiostasies se You-
’ N