SO LYK DIE BROERS SE GELDSAKE
GlobesG bestuur. “Hulle het albei gegrap hy verdien e eindelik ’n Golden Globe,” het ’n lid van die HFPA aan The Guardian vertel. “Hulle was beslis ’n verenigde fr front – en dalk beskerm dit Casey teen d die soeklig. Dit herinner my nogal aan Woody Allen – die verligte media is te mal oor hom om werklik die waarheid te ondersoek.”
CASEY se “kragtoer” in die aangrypende Manchester by the Sea het hom ’n plek op die A-lys beroemdes besorg, maar ook ’n skandaal laat herleef wat hy liewer sal wil vergeet.
In 2010 het hy gewerk aan die kammadokumentêr I’m Still Here oor die lewe van die akteur Joaquin Phoenix (42), Casey se voormalige swaer. Destyds het die kinematograaf Magdalena Gorka (39) en die vervaardiger Amanda White (34), twee vroue wat saam met hom daaraan gewerk het, beweer Casey het hulle verbaal en seksueel geteister.
Volgens Amanda het hy gespog oor sy sekskapades, haar gevra om met hom seks te hê en haar “gegryp”. Magdalena sê hy het by haar bed ingekruip terwyl die rolprentspan in sy woonstel oornag het en haar gestreel. Casey het glo ook ’n “vyandige omgewing geskep” deur onder meer ’n spanlid te beveel om sy geslagsdeel te ontbloot.
Die vroue het hom vir sowat R15 miljoen gedagvaar. Casey het volgehou die bewerings is vals, maar met albei geskik.
Mense het die voorval vergelyk met die seksskandale van Hollywood-sterre soos Woody en die vervaardiger Roman Polanski. Rory Carroll van The Guardian het wel daarop gewys dat Woody van kindermishandeling beskuldig is en dat Roman skuldig bevind is daaraan, maar dat albei nog “gerespekteer word vir hul prestasies in die rolprentbedryf ”.
En dit lyk of Casey dieselfde behandeling kan verwag, hoewel Rory daarop wys dat sy beweerde oortredings niks met kinders te doen het nie.
Al wat Casey nou daaroor wil sê, is dat “’n skikking bereik is waarmee almal tevrede was. Ek was seergemaak en ontsteld. Ons almal was, maar ek het dit te bowe gekom.”
Hy het in ’n onderhoud met die vermaaktydskrif Variety daarop gesinspeel dat hy die slagoffer was. “Ek veronderstel mense dink omdat jy bekend is, mag hulle sê net wat hulle wil. Maar dit is so nie, want almal het ’n familie en ’n lewe.”
SY EIE gesinslewe het verbrokkel midde-in bewerings dat hy Summer verneuk het. Hulle het in Maart verlede jaar bekendgemaak hulle is uitmekaar. Hulle is in 2006 getroud. ud.
“Sy het gesukkel om mense te vertrou,” vertel iemand in die binnekring. “Hulle het berading gekry, maar kon net nie daarvan herstel nie.”
Die skindertonge meen Casey, wat nou met die aktrise Floriana Lima (33) uitgaan, het sy swak gedrag by sy broer geleer. (Ben is daarvan beskuldig dat hy sy vrou, die aktrise Jennifer Garner, verneuk het met hul kinders se jare lange oppasser, Christine Ouzounian.)
Sommige meen die broers se onbestendige kinderjare het dalk iets te make met hul onvermoë om getrou te bly. Ben en Casey se ouers is Christopher Anne “Chris” Bol dt ,’ n laerskool onderwyseres, en Timothy Affleck, ’n alkoholis, wat Ben eens beskryf het as iemand wat “heeldag en elke dag gedrink en sy lewe kwaai opgemors het”.
Timothy was in die 1960’s ’n akteur en verhoog bestuurder, maar weens sy verslawing het hy gesukkel om ’n werk te hou en was hy tydens sy kinders se grootwordjare om die beurt ’n nutsman, elektrisiën, beroepswedder en kroegman.
Chris het eindelik van hom geskei toe Ben 12 en Casey nege jaar oud was. Die seuns het in Boston by hul ma gewoon, terwyl Timothy na ’n rehabilitasiesentrum in Kalifornië is. Hy het later ’n verslawings berader geword en met sy seuns versoen geraak.
Die oopkop en kunssinnige Chris het haar seuns omring met mense wat in die vermaakbedryf werk. Sy het hulle ook aangemoedig om tuisflieks te maak en hulle na teaters en oudisies vir advertensies en teaterrolle geneem. “Sy was die rots,” vertel ’n familievriend. “Sy het hulle bymekaargehou; sy het hulle alles gegee.”
Loopbaangewys het dit beslis vir die Affleck-broers vrugte afgewerp. BRONNE: ETONLINE, THE GUARDIAN, VARIETY, PEOPLE.COM, DAILY MAIL
BEN SE NETTO WAARDE R1,1 biljoen CASEY SE NETTO WAARDE R135 miljoen