BETOON ’N BIETJIE LIEFDE
Hier is sewe maniere om die diere en personeel by ’n dierewelsyn- of -reddingsgroep naby jou se lewe op te helder – en dit sal jou nie ’n sent kos nie
IERE wat gered is, roer jou hartsnare, maar jy kan nie bekostig om geld te skenk om hulle te help nie. Geen probleem nie! Jy kan jou waardering vir diereskuilings en -reddingsgroepe toon sonder dat jy jou sak hoef te skud. Jy kan tyd afstaan, handwerk doen of die sosiale media inspan. Elke bietjie help en sal ’n verskil maak in die lewe van ons verwaarloosde en verwerpte viervoetige vriende.
1 Staan tyd af.
Diereskuilings het dikwels te min personeellede; dus sal selfs ’n uur of twee per week ’n verskil maak. Of jy nou met honde stap of katte vertroetel en versorg, met’ n geldinsameling s geleentheid help o fop aanneem dae diens doen, jy kan ’n ware verskil in diere se lewe maak en oorwerkte personeellede se las verlig.
2 Neem ’n troeteldier in pleegsorg.
Troeteldiere het ’n veel beter kans om vir altyd ’n huis te kry as hulle in ’n liefdevolle pleeghuis is waar hulle basiese gehoorsaamheid en goeie maniere leer. Met pleegsorg bied jy vir ’n vasgestelde tydperk of tot wanneer die troeteldier aangeneem word liefde, sorg en aandag. Jy maak ook in die skuiling plek vir ’n ander hawelose troeteldier en red moontlik ’n lewe. Soms dek die skuiling of reddings organisasie die uitgawes vir kos en veearts sorg.
3 Skenk ou handdoeke, komberse, troeteldieritems en dies meer.
Buiten handdoeke, komberse, lakens en ou koerante kan jy gebruikte beddens, bakke, speelgoed en ander items skenk wat nog in ’n goeie toestand is. Bel eers die skuiling om uit te vind presies wat hulle kortkom of kyk op hul webtuiste vir ’n wenslys.
4Deel foto’s van die skuiling se troeteldiere in die sosiale media.
Gebruik Facebook, In stag ram, T witte rof ander sosiale media platforms om foto’ s en inligting te plaas oor troeteldiere wat by jou plaaslike skuiling beskikbaar is. Vra jou vriende en volgelinge om die foto’s te deel sodat soveel moontlik potensiële aannemers dit sien.
5 Maak troeteldier speelgoed.
Al is jy nie besonder handvaardig nie, kan jy uit ou sweetpaktops en ander materiaal wat jy waarskynlik reeds in die huis het vir honde en katte in skuilings speelgoed maak. (Kyk hier vir voorstelle: za.pinterest. com/brumzoo/diy-pet-toys.)
6 Reël ’n geldinsameling.
Hou op jou troeteldier se verjaardag of ’n ander spesiale geleentheid ’n partytjie en vra jou gaste moet kontantskenkings en/of troeteldierkos vir ’n skuiling bring. Vra met jou eie verjaardag ook skenkings pleks van geskenke vir jou.
7 Dra die boodskap uit oor die belangrikheid van sterilisering.
Elke jaar word miljoene diere in skuilings van kant gemaak. Dit kan vermy word as mense hul troeteldiere laat steriliseer om ongewenste werpsels te voorkom. Vra vriende, kollegas, bure en almal wat jy ken, moet hul troeteldiere laat steriliseer. En onthou: Neem aan; moenie koop nie.