GR. 12: EN AL DIÉ A’S?
As deel van Huisgenoot se 101ste bestaansjaar help ons lesers elke week sin maak van ’n aktuele gebeurtenis. Vandeesweek: Het matriek te maklik geword?
DIE 2016-matrieks se trane van vreugde of verdriet was skaars droog, toe begin die omstredenheid. Nasionale onderwysamptenare was in hul skik met ’n slaagsyfer van 72 persent toe verlede jaar se matriekuitslae vroeër vandeesmaand bekendgemaak word. En in die huishoudings van meer begaafde kinders het die vreugdevure behoorlik gebrand oor die ryk oes onderskeidings: Sommige het met ses of sewe A-simbole gespog; ander sommer met agt, nege of selfs 10.
Maar toe kom die stemme wat hokaai roep. Die werklike nasionale slaagsyfer is nie 72 persent nie; dis net 36,6 persent, het ’n onderwyskenner laat hoor. Die ritse A-simbole het van die ouer garde in die sosiale media laat brom: “So maklik was dit darem nie in my dae nie.”
Moenie dié onderskeidings te veel vier nie, het ook prof. Jonathan Jansen, oudrektor van die Universiteit van die Vrystaat, kort daarna in ’n aanlyn rubriek vir Rand Daily Mail gemaan. “In Suid-Afrika is dit eintlik taamlik maklik om gr. 12 deur te kom; dit beteken baie min. Die standaard is laag en die punte word in die meeste vakke opwaarts aangepas.”
Het matriek te maklik geword?
Nee, sê dr. Michael le Cordeur, hoof van kurrikulum studies aan die Universiteit Stellenbosch se fakulteit opvoedkunde. Hy gee toe daar is nou baie meer onderskeidings as 20, 30 jaar gelede. “Maar ek dink nie die matriekeksamen het mak- liker geword nie; inteendeel, kyk ’n mens na die inhoud van die eksamen en handboeke, sou ek sê die gr. 12-eksamen se gehalte het toegeneem,” sê hy.
Hugo Ver meul en, hoof van die Skoleondersteunings ent rum by Solidariteit Helpende Hand, sê gemeet aan die standaard van die vraagstelling, hoe ingewikkeld die vrae is en die intellektuele vermoë wat die eksamen van ’n kind vereis, het die standaard nie afgeneem nie.
“Daar is meer toepassingsvrae en die hoeveelheid kennis wat kinders moet bemeester, is aansienlik meer as in ons tyd, veral in sekere vakke wat leerders graadtoelating gee.”
Tog sê hy weens die lae slaagvereiste (30 persent per vak) en die getal makliker vrae in ’n vraestel wat jou kan laat slaag, is dit deesdae baie makliker as in die ou