DIE EGPAAR BEDANK:
sy in trane uit.” Sy kap terug: “Ek moes so lank daarvoor wag.”
Hulle wou eers in die winter trou, maar weens die Sharks se druk oefenen speelprogram moes hulle die groot dag na 7 Januarie verskuif, wat buite die rugbyseisoen va val.
Die twee sien baie uit na ’n lewe saam. “Sy maak die lekkerste kos,” vertel André ingenome. Maar vir eers is kinders nie deel van hul planne nie. Albei wil eers op hul loopbaan konsentreer – sy in die sakewêreld; hy op die veld. “Ek wil hard werk vanjaar en ek hoop om vir die Springbokspan gekies te word,” stippel André sy doelwit uit.
Hulle wil ook aandag aan hul huwelik gee en die lewe as pasgetroudes saam geniet. Die twee wil soveel moontlik reis. En watter beter manier om te begin as met ’n week lange wittebrood op Zanzibar?
DIE huweliksonthaal is sommer twee makieties vir die prys van een – dis vandag ook Mábea se verjaardag. In die onthaalsaal, keurig versier met feetjieliggies, wit orgideë, tulpe en kerse, sing die sowat 130 gaste vir haar toe sy en André by hulle aansluit.
Die gaste is blykbaar nie ingelig oor die pasgetroudes se plan om vir eers nie met ’n gesin te begin nie. Tydens André en Mábea se toesprake word hulle kort-kort onderbreek deur vriende en familie wat “kinders by dosyne” sing. En die Sharksspeler Stephan Lewies sluit sy heildronk op die bruidspaar af met die woorde: “Ons wens julle liefde, geluk en baie stoute kinders toe.”
Maar daar word darem nie net gepraat nie . . . dit verg ’n ordentlike bord kos om ’n honger rugbyspeler te voed. Die gaste lê weg aan onder meer gerookte salm, beesfilet, hoender in spek toegedraai en ’n verskeidenheid smaaklike groentes en souse.
Vir nagereg is daar ’n soete fees van sjokolademousse, melktertjies, nougat, dadelballe, baklava, vrugte in sjokolade gedoop, koeksisters, su u r l emo e n - meringue, kase en olywe, en koffie en tee.
En toe die ongetroude manne dans- baan toe geroep word rd om die bruid se kousband te vang, word een soos in ’n wafferse lynstaan deur die ander opgetel om dit soos ’n bal uit die lug te raap. Daarna gooi sy haar ruiker vir die enkel- lopende meisies.
Toe is dit tyd om die dansbaan te open – en vir die res van die aand het die gaste beswaarlik langs die kantlyn gesit.
WILDEKRANS (WYN EN SJAMPANJE) WILDEKRANS.COM; FARSIDE FARM – THE GALLERY (TROUPLEK) FARSIDEFARM.CO.ZA; ESTER VAN MIDLANDS STYLE EVENTS (DEKOR) 082-651-0831; CHC CATERING (KOS) CHCCATERING.CO.ZA; KYM BURMESTER (FOTO’S) 072-571-7426; DESIRE EN TERTIA (STROOIMEISIEROKKE) 082-740-3991; CAROLINE VAN WORLD OF BEAUTY (GRIMERING) 018-468-2299 EN MELANI (HARE) 082-379-9083; FRANK BESPOKE TAILORS (ANDRÉ SE PAK) FRANKBESPOKE.CO.ZA, 084-4412223
‘Sy maak die lekkerste kos,’ vertel André ingenome