DIE KLASAKSIE
voertuig en die polisie se voorlopige ondersoek het hulle laat vermoed die slagoffer is sy broer.
Kaveen bly lang oomblikke stil terwyl hy oor daardie oproep praat. “Ek het nog nooit ’n rilling so deur my lyf voel trek nie. Dit het gevoel of alles stadiger raak en terselfdertyd baie vinnig gebeur. Ek kon nie verduur wat hy my vertel het nie.”
Die familie was bewus van Reshall se probleme met die motor. Hy het die voertuig ’ n paar keer na die handelaar geneem om probleme aan te meld; die laaste keer was ’n week voor sy dood. Hy het ook talle klagtes per e-pos na die handelaar gestuur.
“Hy het dit nuut gekoop, maar gekla dat dit krag verloor. Die remme het baie gou ingegee. Later het ons gehoor die motor skakel vanself aan waar dit in die ondergrondse parkeerplek by sy kantoor staan,” sê Renisha.
“Hy was baie trots op die motor,” onthou sy tranerig. Die dag toe hy sy nuwe ryding kry, het hy ’n ent met hulle gaan ry. “Dit is hartverskeurend om te dink daardie motor het hom sy lewe gekos.”
Renisha staar na ’n skyfievertoning op ’n skerm; daar is foto’s van Reshall saam met sy familie en vriende.
Hul ma, Polly, verwerk die tragedie die moeilikste. “Sy is baie broos. Sy kry so swaar dat sy nie snags slaap nie,” vertel Kaveen. “Sy doen haar bes om sterk te wees vir ons en haar kleinkinders, maar wanneer sy alleen is, kyk sy nie televisie nie. Sy huil in haar slaapkamer op die boonste verdieping.”
DIE oorsaak van die brand waarin Reshall gesterf het, word nou betwis. Die motor maatskappy Ford ontken dit hou verband met ’n fout wat die vervaardiger genoodsaak het om duisende motors middel Januarie om veiligheidsredes te herroep.
Jeff Nemeth, uitvoerende hoof van For dS A, het die herroeping op’ n mediainligtings essie aangekondig.
Hy het bevestig 39 voorvalle van brandende motors is al by hulle aangemeld, maar daar is dalk nog.
Hy het sy medelye betuig teenoor die Jimmy-familielede wat ook by die mediasessie was, maar gesê die oorsaak van die brand in Reshall se Kuga is steeds onbekend.
Jeff het sy dood beskryf as ’n “unieke en onverwante saak” wat nie verband hou met die aangekondigde herroeping van voertuie nie.
Maar die bedroefde familie gaan die saak nie daar laat nie.
Hulle wil hê die motormaatskappy moet verantwoordelikheid vir hul broer se dood aanvaar.
DIE Jimmys het saam met 30 ander gesinne ’n klas aks ieh ofsa ak teen die motormaatskappy begin (sien die kassie op bladsy 26). Daarbenewens het die familie reeds vroeg in Desember verlede jaar die privaat forensiese wetenskaplike dr. David Klatzow gekontak om ondersoek in te stel en hulle te help in hul onderhandelings met Ford.
AANHALINGS oor familie en resepte vir liefde versier die mure van die patio waar die broer en suster hul hart teenoor Huisgenoot uitstort. Die plakkate wys hier woon ’n hegte gesin wat vir mekaar omgee. Die slagoffer was ’n sagmoedige siel, vertel sy broer en suster. “Reshall was die wonderlikste vriend en broer wat ’ n mens kon vra,” sê Kaveen.
Renisha vertel van die laaste keer toe sy hom gesien het. Hy het haar kom groet voor hy met vakansie vertrek het.
“Ek het vir hom gesê: ‘Reshall, ek gaan jou baie mis.’ En toe hy loop, het hy ’n rukkie in die deur gestaan. Hy het net daar gestaan. Daardie beeld bly in my gedagtes.” ’n Klasaksie is ’n hofgeding wat ’n groep mense saam voer oor ’n saak waarby hulle gemeenskaplike belang het.
In die geval van die brandende Kugamotors het die prokureur Rod Montano die dag ná die veilig heidsh erroepin g ’n klasaksie teen Ford bekendgemaak deur 31 gesinne wie se motors aan die brand geslaan het.
Rod, wat dosyne eienaars van uitgebrande Kuga-motors verteenwoordig,