OOSTERSE VARKRIB MET PRUIMSOUS
Die pruimsous maak die rib ekstraklewerig en is ideaal vir ’n somerbraai. Bêre die res van die sous in die yskas en gebruik later as ’n marinade vir hoender of varkrepies. GENOEG VIR 4 MENSE Bereiding: 10 min. Gaarmaak: 1 uur 1 ui, in kwarte
gesny 4 knoffel-
huisies, gekneus 800 g – 1 kg varkrib 250 ml (1 k) hoender
aftreksel PRUIMSOUS 500 g rooi of pers pruime, ontpit en in stukke gesny 1 rooi-ui, gekap 1 kaneelstokkie 2 steranys 125 ml (½ k) appel
asyn 45 ml (3 e) sojasous 1 brandrissie, gekap
(opsioneel) 250 ml (1 k) sagte
bruinsuiker 1 ml (¼ t) Chinese
vyfspeserye
Plaas die ui en knoffel in ’n drukkoker. Pak die rib bo-op en giet die aftreksel oor. Bedek met kookwater en sit die drukkokerdeksel stewig op. Kook 40 min. of tot gaar en sag.
Plaas intussen al die bestanddele saam in ’n klein kastrol, voeg 125 ml (½ k) water by
Pruimsous
en meng goed. Bring tot kookpunt en laat prut tot dik en stroperig (ongeveer 30 min.). Roer af en toe om te keer dat die sous aanbrand.
Haal die rib uit die vloeistof en klad liggies droog met kombuispapier. Verf aan albei kante met die pruimsous.
Braai die rib oor warm kole terwyl die sous aanhoudend oorgeverf word. Braai tot klewerig en liggies geskroei.
OONDHOENDER MET TIEMIEBOTTER EN GEROOSTERDE PERSKES
Tiemie en perskes is ’n wenkombinasie en sal vinnig ’n ge sinsguns teling word. GENOEG VIR 4 MENSE Bereiding: 15 min. Gaarmaak: 1 uur 20 min. 60 ml (¼ k) sagte
botter 30 ml (2 e) vars tiemie
blare 4 knoffelhuisies,
fyngedruk 1 heel hoender sout en vars gemaalde
peper 250 ml (1 k) hoender
aftreksel 2 rooi-uie, in kwarte
gesny 2 geelperskes,
gehalveer 2 nektariens,
gehalveer 30 ml (2 e) bruinsuiker VIR VOORSIT
20 g wilde roketblare Voorverhit die oond tot 180 °C. Bespuit ’n bakplaat met kossproei.
Meng die botter, tie- mie en knoffelhuisies goed.
Lig die velletjie van die hoender bo die bors effens sonder om dit te skeur en vryf die vleis goed met die botter in. Geur oraloor met die sout en peper.
Plaas die hoender in ’n oondbak. Giet die hoenderaftreksel rondom en bedek die bak met ’n deksel of tinfoelie. Rooster 1 uur in die oond.
Pak die uie, geelperskes en nektariens op die bereide bakplaat en sprinkel die bruinsuiker oor.
Verhoog die temperatuur tot 200 °C. Haal die deksel of tinfoelie van die hoender af en rooster nog 15-20 min. of tot goudbruin. Plaas die perskes en uie terselfdertyd in die oond.
Vir voorsit
Garneer die hoender met die vars roketblare en sit voor saam met die perskes en uie.