MA RAADOP MET TRAE TIENER
Ek kry soms nie my kind sover om soggens uit die bed op te staan om skool toe te gaan nie. Hy is 16 en het nie sibbes nie. Niks en niemand kan hom motiveer nie. Hy is nie lui nie. Is dit net ’n fase of kan iets groters skort? Ek wil nie dokter toe gaan nie. As hy ’n voorskrif kry, sal ek bang wees hy raak verslaaf aan pille. TS op H
Jou tiener dink nie soos jy nie. Min tieners is ongemotiveer. Hul motivering verskil dalk net van wat jy as motivering beskou. Die meeste tieners het ’n houding en dis moontlik ’n negatiewe een. Twee bestanddele is no- dig om hom te laat saamwerk: motivering en houding. Draai dit in sy guns om.
Wat jou tiener oor homself glo, het baie hiermee te doen. Omdat hy ’n soeke na identiteit het, help dit om hom aan stories uit sy kleintyd te herinner oor wie hy toe was en aan die goeie dinge wat mense toe oor hom gesê het. Die soeke na identiteit kan hom magteloos laat voel; daarom weerhou hy sy samewerking. Dis sy manier om beheer te kry.
Hy weet nie hoe om sy uitdagings op te los nie. Een van die beste maniere waarop jy hom kan help, is om hom vaardighede te leer om probleme op te los. Meer gesprekke en gedeelde uitstappies kan jul probleme identifiseer. Gee hom inspraak in hoe hy ’n probleem wil oplos.
‘Sy hou haar drinkery geheim, want sy wil nie erken sy het ’n probleem nie’ – ELIZE