DÍS DIE BESKULDIGDES, SLAGOFFERS
Die vermeende afspraakmoordenaars
Die 37-jarige Cecilia Steyn se medebeskuldigdes is haar vriendin Marinda Steyn (51), dié se kinders, Leroux (21) en Marcel (19) Steyn, en hul vriend Zak Valentine (32).
Hulle kom weer op 1 Desember voor in die hooggeregshof in Johannesburg op onder meer sewe moordklagte, vyf van roof met verswarende omstandighede, en een elk van rampokkery en bedrog.
Hulle is vermoor en beroof
Peter (51) en Joan (47) Meyer in November 2015 in hul Krugersdorpse huis.
Die hawelose Jarrod Jackson (44) in Desember 2015. Zak het glo sy eie dood versin deur Jarrod se lyk in sy (Zak se) motor te verkool.
Glen McGregor (57), ’n rekenmeester, in Januarie 2016 op sy Randfonteinse hoewe.
Die lyk van Anthony Scholefield (60), ’n Krugersdorpse versekeringsmakelaar, is in Mei 2016 in sy motor se bagasiebak gevind ná ’n afspraak met ’n “voornemende kliënt”.
Kevin McAlpine (29), ’n Krugersdorpse versekeringsmakelaar, in Mei 2016. Sy lyk is op straat gekry ná nog ’n “afspraak”.
Hanlé Lategan (52), ’n Krugersdorpse eiendomsagent, in Mei 2016. Haar lyk is in die Randfonteinse begraafplaas gekry ná ’n “afspraak”.