Kom loop vir hoop!

IN OKTOBER WORD MENSE BEWUS GEMAAK VAN DEPRESSIE – DOEN SO JOU DEEL

VOLGENS die Wêreldgesondheidsorganisasie (WGO) se jongste verslag oor depressie is dit wêreldwyd die grootste enkele oorsaak van ongeskiktheid. Teen 2030 sal depressie die wêreld se grootste siekte wees.

Maar die goeie nuus is depressie is behandelbaar. Hoe gouer jy die simptome herken en hulp soek, hoe gouer kan jy dit bestuur met die hulp van terapie en medikasie.

Oktober is die WGO se bewusmakingsmaand vir psigiese gesondheid. Om te wys jy gee om, kom neem deel aan die Hoop Hike om bewustheid oor depressie op te skerp en die stilte en stigma ten opsigte van depressie en ander psigiatriese siektes te verbreek.

Vir bergfietsgeesdriftiges is daar boonop saam met die Hoop Hike ’n Hoop Bike sodat almal in die gesin hul deel kan doen vir bewusmaking van psigiatriese siektes.

Jy kan ook ’n Ambassadeur vir Hoop wees deur die hele Oktober lank (en veral by die staptog) jou “hemelsblou vir hoop”-strikkie vir bewusmaking te dra.

WANNEER EN WAAR

S Sondag 15 Oktober Blaauwklippen, Stellenbosch S Sondag 29 Oktober Van Gaalen’s, Skeerpoort Hoop Hike: 10 km (R100), 5 km (R60) of 3 km (R40). Kinders onder 12 (3 of 5 km) R40. Hoop Bike: 25 km (R100).

WEGSPRINGTYE

Hoop Bike: 25 km – 07:45 Hoop Hike: 10 km – 08:00 5 km – 08:30 3 km – 08:40 Registrasie op die dag begin om 06:45.

SKRYF SO IN

Gaan na iqela-events.co.za en klik op die Hoop Hike/Hoop Bike-logo. Jou inskryfgeld is ten bate van die depressienavorsingsfonds van die Ithemba-stigting (’n onderneming sonder winsoogmerk, registrasienommer 2012/171250/08; “ithemba” is Xhosa vir “hoop”). Vir navrae, stuur ‘n e-pos na entries@iqela-events.co.za. S