STEM VAN DIE NATUUR 2.0 Y
As jy moeg word vir die lewe in die stad, is hierdie prettige en leersame apps net die ding vir ’n wandeling
DIS lente, die veld is vrolik en die buitelug roep. Dis waar jy kan wegkom van alles, ook die tegnologie wat jou lewe oorheers. Tog is daar goeie redes om jou selfoon in jou rugsak te pak wanneer jy met vakansie gaan of die buitelug ervaar. Kyk net na dié apps waaruit jy kan kies om jou uitstappie nog lekkerder te maak.
iNATURALIST Beskikbaar op Android en Apple
Koste: Gratis
Krap jy kop oor of jy pas ’n grys horingbekvoël of ’n boskraai gesien het? Dié app sal jou help. Jy kan foto’s van die dier, insek en plant wat jy teëkom met die iNaturalist-gemeenskap deel en terugvoer kry. Al wat jy moet doen, is om die foto op te laai en ’n beskrywing soos “voël” of “plant” daarby te plaas. Die app verwerk dan jou ligging en stel jou foto aan ander gebruikers beskikbaar sodat hulle jou identifikasie kan bevestig, die soektog kan verklein of dit kan betwis. HOEKOM DIT NUTTIG IS: iNaturalist is ’n wonderlike manier om ’n onbekende dier of plant te identifiseer of om ’n interessante vonds met ander buiteluggeesdriftiges te deel. Voor jy ’n staproete kies, kan jy ’n kaart nagaan om te sien waar ander gebruikers ongelooflike waarnemings gemaak het sodat jy in hul voetspore kan volg. Jy kan die app ook as notaboek gebruik om jou avonture aan te teken.
ALL TRAILS Beskikbaar op Android en Apple
Koste: Gratis
Dié app gebruik jou ligging en wys jou dan al die roetes in die omgewing. Met meer as 50 000 om uit te kies vir stap, fietsry en meer, sal jy beslis die volmaakte een vind. Nadat jy jou keuse gemaak het, bied die app onder meer aanwysings na die beginpunt,p die afstand van die roete, asook k ’ n topografiese e kaart daarvan.
HOEKOM DIT NUT
TIG IS: Jy kan deur graderings en resensies van die roete blaai en selfs foto’s van jou ervaring deel. Die app stel jou in staat om jou foon in ’n GPS-opspoorder te omskep sodat jy die roete reg volg en nie verdwaal nie.
YONDER Beskikbaar op Android en Apple
Koste: Gratis
Y onderY d h het twee hoofkomponente: ’n Instagram-soort profielafdeling waar jy jou buitelugavonture met ’n wêreldwye netwerk kan deel deur ’n foto te plaas met geomerkers oor liggings besonderhede en’ n kort beskrywing daarby. Met die tweede element van die app kan jy in ander Y onder-ontdekkingsreisigers se voetspore volg deur GPS en ’n kaart te gebruik. Jy kan ook reageer op ’n foto wat gedeel is deur dit weer te deel, dit by jou gunstelinge te voeg, daarheen te navigeer of daarop kommentaar te lewer.
HOEKOM DIT
NUTTIG IS: Dis ’n wonderlike manier om uit te vind oor nabygeleë staproetes en bied ook ’n geleentheid om met ander buiteluggeesdriftiges kontak te maak.