OKTOBER-LEKKERTE
Kyk watter nuwe kykgenot volgende maand op die kassie begin
DIE SKATTIES
Die oud-7de Laner Christi Panagio (foto) keer terug na die kassie as aanbieder van dié werklikheidsprogram waarin ’n aweregse mooimaakspan vroue onder hande neem en in klassieke style van die bekendste prikkelpoppe ter wêreld mooimaak. BEGIN WOENSDAG 4 OKTOBER OM 17:30 OP VIA
MOOIMAAK
Die sakemagnaat Christo Wiese se middelkind, Clare WieseWentzel ( foto), maak haar debuut op die kassie as aanbieder van dié nuwe leefstylreeks. Dertien vroue kry mooimaaksessies met onder meer die jongste niechirurgiese kosmetiese behandelings. BEGIN DONDERDAG 5 OKTOBER OM 17:30 OP KYKNET
DANZ!
Dié jeugdrama speel af in Kaapstad. Kykers kry ’n blik op die wel en wee van ’n dansskool waar verskeie verlore karakters ’n anker en heenkome vind. Conway October, Kelvin in Sara Se Geheim, speel in dié reeks. Ook met Mekaila Mathys en Julian Hurley (foto). BEGIN DONDERDAG 5 OKTOBER OM 20:00 OP KYKNET & KIE
OUBOET EN WORS
Ouboet (Frank Opperman, foto) en Wors (Willie Esterhuizen, foto) in een program? Twee gunstelingreekse, Orkney Snork Nie en Molly en Wors, word in dié reeks saamgevoeg. BEGIN MAANDAG 9 OKTOBER OM 20:00 OP KYKNET
WATERFRONT
Dié reeks handel oor drie susters (foto, van links Trix Vivier, Rolanda Marais en Milan Murray) wat grootword met die status van hul pa ( Dawid Minnaar, foto) se onderneming. Hul paaie het jare gelede geskei, maar ’n tragedie bring hulle terug na die Waterfront. BEGIN DINSDAG 10 OKTOBER OM 20:00 OP KYKNET
WAT IS IN ’N NAAM?
Die akteurspaar Diaan Lawrenson en Jody Abrahams (foto) spoor hul voorsate na. Hulle kies nie die DNS-roete nie, maar vors hul familie se liefdesverhale na. Die sanger en Jou Show-aanbieder, Emo Adams, en sy vrou, die model Michelle Gildenhuys, maak ook dié nostalgiese reis mee. BEGIN WOENSDAG 4 OKTOBER OM 20:30 OP VIA