V&A: Jakkie Louw
Dié folkrocksanger se negende album, Party in SA, is nou op die rakke
Jakkie oor die nuwe album
Dit is ’n positiewe rockalbum wat jou sal laat goed voel. ’n Mens het mos die gewoonte om langs ’n braai te staan en kla oor dinge waaraan jy niks kan verander nie, soos elke oggend se verkeershel. Al die liedjies is eintlik musikale storievertellings wat met sulke situasies die draak steek. Mense sal daarmee kan identifiseer en die humor raaksien.
Sy vrou en rots
Ek en my vrou, Anel (33), is nou ses jaar getroud, en sy was nog altyd deel van my handelsnaam. Sy is ook my besprekingsagent. Ons skryf saam aan my liedjies. Ek sal met ’n idee vorendag kom en dan sal sy die lirieke skryf. Of ek sal ’n rowwe weer- gawe awe van ’n liedjie skryf skryf, dan is sy die een wat dit moet verfyn en afrond. Sy hanteer ook die Jakkie Louw- aanlyn winkel, waar ons interessante goed verkoop, van T-hemde en pette tot boeke soos my Koekieloekie-resepteboek vir kinders.
Vlytig in die kombuis
Ek kan enige ding maak waaraan jy kan dink. Wanneer ons braai, hou ek daarvan om ’n lekker rosyntjiebrood te bak. Wanneer jy in die huis instap, ruik dit soos ’n bakkery. Ek het nou ook koeksisters onder die knie gekry ná 20 mislukkings, maar moes eers by Mareli (Visser, Koekedoor-wenner van 2015) gaan kers opsteek. Sy het vir my ’n selfoonvideo gestuur van hoe om dit te maak. Nou kan ek na radiostasies gaan met ’n pakkie koeksisters in die hand om hulle te vra om my CD te speel. Ek noem dit my “koekieloekies”.
Sy grootste lewensles
Ons almal is net mense. As ons nie daar is vir mekaar nie, is ons niks. My kinders, Linke (6) en Kara (3), het my baie geleer van myself. Soms moet jy net stilstaan en die lewe en mense om jou geniet.