SJOKOLADE-SUURROOMMUFFINS

SJOKOLADE-SUURROOMMUFFINS

Dis donker en onvoorspelbaar, sag en klam; ’n groot bederf vir die een wat so gelukkig is om ’n happie te kry. Dié muffin kan as ontbyt of kosblikhappie geniet word. Dit word met ’n sjokoladefudgelagie afgerond. LEWER 12 MUFFINS Bereiding: 15 min. Gaarmaak: 20-25 min. 310 g koekmeel 250 g sagte bruinsuiker 100 g donker kakao 15 ml (1 e) bakpoeier 2,5 ml (½ t) koeksoda 2,5 ml (½ t) sout 115 g gesmelte botter 250 ml (1 k) karringmelk 3 groot eiers 150 g gekapte donker

sjokolade FUDGELAAG 115 g botter 100 g strooisuiker 60 ml (¼ k) water 260 g gesifte versiersuiker 60 ml (¼ k) donker kakao Voorverhit die oond tot 180 ºC en plaas kolwyntjiepapiertjies in ’n kolwyntjiepan. Moenie die papiertjies met kleefwerende kossproei bespuit nie.

1 Sif die koekmeel, suiker, kakao, bakpoeier, koeksoda en sout saam.

2 Meng die botter, karringmelk en eiers deeglik.

3 Voeg die meelmengsel by die karringmelkmengsel en meng versigtig. Gebruik ’n ballonklitser om die mengwerk te vergemaklik.

4 Vou die gekapte sjokolade by die beslag in en skep in die kolwyntjiepapiertjies.

5 Bak 20-25 min. Laat die kolwyntjies effens afkoel.

6 Fudgelaag Meng die botter, strooisuiker en water in ’n kastrol oor matige hitte tot die suiker opgelos het. Moenie kook nie.

7 Sif die versiersuiker en kakao saam. Klop die versiersuikermengsel by die bottermengsel in.

8 Giet dadelik oor die louwarm muffins.

SINKPLAATPADFUDGE

Dit is luukse lekkergoed dié en ’n pragtige geskenk vir ’n kuiergas. Die kleure van al die growwe bestanddele lyk pragtig as die blokke gesny word. Op markdag by die skool is dié happies in ’n kits uitverkoop. LEWER 45 BLOKKIES Bereiding: 15 min. Gaarmaak: 20 min.