SINKPLAAT-PADFUDGE
600 g witsuiker 80 g donker kakao 175 g gouestroop 5 ml (1 t) fyn kaneel 250 ml (1 k) volroommelk 50 g botter 5 ml (1 t) karamelgeursel 60 ml (4 e) room 75 g mini-malvalekkers 100 g pekanneute, gekap 80 g gekapte glanskersies 40 g fyn klapper 250 g gekapte baksjokolade Smeer ’n bakplaat van ongeveer 26 cm x 30 cm met die koekpansmeer.
Verhit die suiker, kakao, gouestroop, kaneel en melk tot die suiker opgelos het. Roer met ’n ballonklitser om die kakao fyner op te breek en die mengsel egalig te maak. Die mengsel mag nie kook voor die suiker opgelos het nie. Kook die mengsel tot sagtebalstadium of tot die temperatuur op ’n suikertermometer 118 °C bereik. Dié stap is uiters belangrik – dit bepaal of die mengsel sal stol of nie.
Voeg die botter, karamelgeursel en room by sodra die stroop die regte temperatuur bereik het. Klop goed deur met ’n houtlepel tot egalig en lig. Roer die malvalekkers, pekanneute, glanskersies en klapper by. Skep dadelik in die ge- smeerde bakplaat, want die mengsel stol baie vinnig.
3 Laat die fudge afkoel. Smelt die sjokolade in ’n dubbelkoker en giet oor die fudge. Laat effens afkoel en sny in blokkies. Plaas in die yskas om nog te stol. Breek in blokkies en bêre in ’n lugdigte houer.
KOEKPANSMEER: Klits 115 g bakmargarien of botter, 125 g sonneblomolie en 70 g koekmeel saam tot alles deeglik gemeng is. Bêre die smeer in ’n lugdigte houer in die yskas. Laat dit by kamertemperatuur staan tot dit weer loperig is en wend met ’n kwassie aan.