GRACE DIE VERSKRIKLIKE
Suid-Afrikaanse minister van verdediging, Nosiviwe Mapisa-Nqakula, en die minister van staatsveiligheid, Bongani Bongo, was ook daar.
Intussen het die gerugte wyd geloop: Mugabe dring aan om die res van sy sewende termyn, wat volgende jaar eindig, uit te dien; hy sal net saamwerk as die weermag terugstaan. Nee, hy koop net tyd om ’n waardige uittrede te onderhandel. Kenners maan dit kan enigiets van dae tot maande neem voor hy oplaas van die toneel verdwyn.
Een ding is egter duidelik: Ná Mugabe wag daar ’n lang en moeisame pad na herstel op Zimbabwe. En die man wat na verwagting agter die staatsgreep sit, Emmerson Mnangagwa (75), is net so hardvogtig en omstrede as Mugabe. Hy was immers vier dekades lank Mugabe se regterhand – tot onlangs toe as adjunkpresident van die land – voor die ou tiran hom afgedank het. G’n wonder die Zimbabwiërs sing en dans nog nie.
Mnangagwa maak nou glo geluide oor ’n oorgangsregering waarvan opposisiepartye deel sal wees. Maar is dit werklik ’n nuwe begin – of net nog leë beloftes? litieke verset teen die destydse Rhodesiese regime. Mnangagwa het ’ n trein opgeblaas en die doodsvonnis vrygespring omdat hy jonger as 21 was. Hy het sy 10 jaar agter tralies gebruik om sy hoërskoolstudie te voltooi voor hy na Zambië gedeporteer is, waar hy ’n regsgraad verwerf het.
Nadat Zanu-PF aan die bewind gekom het, is Mnangagwa beloon met ’n verskeidenheid kabinetsrolle, onder meer justisie, verdediging, behuising en finansies. Hy was minister van nasionale veiligheid in die vroeë 1980’s, toe duisende teenstanders van Zanu-PF glo vermoor is.
In Amerikaanse diplomatieke dokumente wat WikiLeaks in 2008 laat uitlek het, word beweer Mnangagwa het “uitsonderlike rykdom” vergader tydens Zimbabwe se militêre ingryping in die diamantryke Demokratiese Republiek van die Kongo in 1998.
Reeds in 2007 is sy naam verbind met ’n beplande staatsgreep teen Mugabe deur hoë weermagoffisiere. Maar hy het dit ontken. Dis duidelik hy het toe al sy oog op die presidentskap gehad. In 2014 het Mnangagwa adjunkpresident geword en is hy wyd as Mugabe se opvolger beskou – tot Grace Mugabe haar eie presidensiële ambisies begin uitstal het.
Die twee se kopstampery het diep verdeling in Zanu-PF veroorsaak. Mnangagwa geniet sterk steun van voor-