OUMA VIDA SE ROOMYS
Toe ek ’n kind was, het my ouma ons in die somer pal met hierdie lekkerny bederf. LEWER ONGEVEER 1 L ROOMYS Bereiding: 15 min. Vries: oornag 1 x 380 g-blik ingedampte melk, oornag verkoel 250 ml (1 k) room 10 ml (2 t) vanielje
geursel 1 x 385 g-blik volroom
kondensmelk VIR AFRONDING eetbare roos- of ander blomblare, van die steeltjies afgetrek
Klits die koue ingedampte melk in ’n groot mengbak tot styf.
Klits die room in ’n ander mengbak tot styf.
Vou die ingedampte melk by die room in. Vou dan die vanieljegeursel en kondensmelk in.
Giet die mengsel in ’n plat bak en plaas in die vrieskas. Roer ná 2 uur met ’n groot klitser, maak plat en vries nog ’n uur. Krap die yskristalle met ’n vurk stukkend. Herhaal ná ’n uur of 2.
Bedek die roomys met kleefplastiek en vries tot benodig.
Maak balle roomys en strooi van die blare oor. Die roomys is ook heerlik as dit in roomyshorinkies voorgesit word.
Vir afronding