PYNAPPELLOLLIE-DRANKIES
Hierdie lollies is eenvoudig en boonop baie gesond. Sit dit voor saam met vonkelwyn of vonkeldruiwe- of -appelsap vir ’n vinnige somermengeldrankie. LEWER 8-10 KLEIN LOLLIES Bereiding: 15 min. Vries: oornag LOLLIES 2 groot pynappels,
geskil 15 ml (1 e) suurlemoen
sap VIR VOORSIT 6 vars aarbeie of ander
bessies 4 Israeliese komkommers of 1 klein komkommer 10 g vars basilieblare 1 x 750 ml-bottel vonkelwyn, vonkeldruiweof -appelsap
Lollies
Sny die pynappels stronk en al in stukke.
Pols die pynappelstukke en suurlemoensap in ’n voedsel- verwerker tot verpulp.
Verdeel die pulp tussen 8-10 klein yslollievormpies en vries 2-3 uur.
Druk ’n roomysstokkie in elke lollie en laat stol oornag in die vrieskas.
Sny die bessies in stukke en pak onderin ’n paar glase. Sny die komkommers in die lengte in repe, of sny die klein komkommer in linte met ’n groenteskiller. Pak hiervan in elke glas. Sit ’n basilieblaar in elke glas.
Ontvorm die lollies en sit een in elke glas.
Vul die glas met die wyn of sap. Die yslollie sal stadig in die glas begin smelt en die drankie ’n verfrissende geur gee.
Vir voorsit SJOKOLADE-EN-MENTLOLLIES
LEWER 6-8 LOLLIES Bereiding: 15 min. Vries: oornag 160 ml (²⁄₃ k) kitswarmsjokoladepoeier 60 ml (¼ k) kakao 125 ml (½ k) water 250 ml (1 k) melk 250 ml (1 k) room 15 ml (1 e) gekapte
vars ment Maak ’n pasta met die sjokoladepoeier, kakao en water.
Pols dit saam met die melk en room in die bak van ’n voedselverwerker tot goed gemeng. Voeg die ment by en pols weer tot gemeng.
Giet die mengsel in 6-8 yslollievormpies, bedek en sit vir 2-3 uur in die vrieskas. Druk ’n roomysstokkie in elke lollie en los oornag in die vrieskas om te stol.
Sit voor saam met nog vars ment en kakao, indien verkies.
Vir roomys
Giet die mengsel in ’n groot, plat bak en plaas in die vrieskas. Roer elke 2-3 uur met ’n vurk om die yskristalle op te breek. Maak glad bo-op en laat verder vries. Sit net so voor saam met poedings of in roomyshorinkies.
VARIASIE
Vervang die mentblare met
5 ml (1 t) pepermentof vanieljegeursel.
Vir ’n heel ander geur, voeg
30 ml (2 e) grondboontjiebotter
by die sjokolademengsel.