HOEKOM IS DIE MA BLIND EN HAAR KROOS DOOF?
Die toestande van Tanya Venter en haar kinders Corban en Samantha is weens mitochondriese siekte. So verduidelik dr. Catherine van Dijk, hoof van die afdeling vir kogleêre inplantings by die Oorinstituut in Pretoria. Mitochondria is die dele van liggaamselle wat selgesondheid bevorder. Weens ’n oorerflike DNS-defek is die ma en kinders se mitochondria foutief. Enige orgaan of liggaamstelsel kan nadelig aangetas word: die brein, lewer, hart, niere, senuwees of spiere. In Tanya se geval was dit haar oë en in die kinders s’n hul gehoorstelsel.