DAVID LOUW

(30) Dis hoe ons hom ken: smeulend en sexy met sy geskeerde hare, stoppelbaard en donker oë wat lyk asof hy van ’n geheim weet wat ons nooit gaan hoor nie.

Selfs al was David, wat Simon speel, twee jaar gelede 25 kg swaarder, was gesondheid nog altyd vir hom belangrik.

Hy het in 2015 vir ’n ystermankompetisie geoefen, maar sy liggaam het nie die baie oefening weerspieël nie. Met bloed- en hormoontoetse is vasgestel daar is ’n wanbalans in sy hormoonvlakke.

“Ons het agtergekom hoender laat my estrogeenvlak styg. Ek eet die afgelope twee jaar glad nie meer hoender nie, en my lyf het sedertdien vanself begin vorm aanneem. Ek het 110 kg geweeg en weeg nou 85 kg.”