DAVID JOHNSON

(36) Op 36 laat dié akteur en musikant harte nog net so bolmakiesie slaan soos toe hy 15 jaar gelede in die vermaakbedryf begin naam maak het.

Deesdae speel hy Liam, ’n rugbybreker wat byna 10 jaar jonger as hy is. Dis vir David belangrik om gesond te leef, want dit gee hom selfvertroue. Hy glo daaraan om gesond te eet, maar bieg die lekker kos van sy vrou, die sangeres Bianca le Grange, laat vlieg sy selfbeheersing by die deur uit. “Sy is ’n foodie, beproef graag nuwe resepte en kook baie lekker.”

Hy bly sewe dae per week aktief met oefeninge wat wissel van touspring en boks tot draf, muurbal en spierbou. Vakansietye draf hy die Kaapse berge uit.