FRANCOIS JACOBJACOBSBS
Hy het ons hart gesteel in Huisgenoot se eeufeesfliek, k, Vir die Voëls, as Sampie de Klerk. En in die regte lewe is Francois net so sjarmant. Hy laat graag op Instagram die klere waai om in sy Adamsgewaad te pryk. Nie dat ons kla nie!
“Ek is maar ’n man wat hou van aktief bly, of dit nou raakrugby, gim, bergklim of motocross is,” vertel hy.
“Ek is lief vir eet en vat elke dag ’n kuldag,” laat hy laggend hoor. “Tensy ek moet regmaak vir ’n spesifieke rol; dan is ek maar teen my wil ’n slaaiman.”
Volgende jaar is sy program weer vol. Hy het twee flieks wat uitkom, Wonderlus en Kanarie, en is tans te sien in die internasionale reeks Madiba teenoor die Hollywood-ster Laurence Fishburne. En daar is goeie nuus vir dié wat wonder: Hy soek nog sy Irma!