Terapie virKevin Spacey
Die akteur Kevin Spacey (58) is vir die eerste keer gewaar sedert ’n seksskandaal oor sy kop losgebars het; hy word in Arizona vir seksverslawing behandel. Die ster het hom daar laat opneem terwyl ál meer mans beweer hy het hulle geteister.
Die Meadowssentrum in Arizona sê hulle het die beste behandelingsprogram vir seksverslawing in Amerika. Dit behels berading, dat pasiënte dagboek hou en “ekspressiewe kuns” gebruik om hul probleme te leer hanteer. Die filmmagnaat Harvey Weinstein (65), wat onlangs deur talle vroue van seksuele teistering beskuldig is, word glo ook nou daar behandel.