Jonas Blue op eie bodem
Dié Londense vervaardiger van elektroniese musiek, bekend vir treffers soos Fast Car en Mama, kom in Desember vir ’n musiekfees na Suid-Afrika. Hy praat met ons en verklap selfs ’n geheime passie
Jou musiekvideo Perfect Strangers- het al meer as YouTube. 350 miljoen Hoekom trefslae het jy op dit in Suid-Afrika geskiet? Toe ons moet het Suid-Afrika besluit waar opgeduik om dit te as verfilm, een van die beste plekke oor die wonderlike landskappe en warm atmosfeer. Dit het volmaak uitgewerk; ons het alles vasgevang wat ek vir die video wou hê. Sien jy uit na enigiets spesifieks om hier te doen? Hopelik sal ek op ’n safari kan gaan. Wat is jou gunstelingplek ter wêreld, en hoekom? Los Angeles. Dit bied so baie, soos goeie liedjieskrywers om mee saam te werk en geleenthede om te ontspan, inkopies te doen en te gaan stap. Wat kan Suid-Afrikaanse aanhangers van jou verwag op die Corona Sunsets-fees? Ek het altyd hope energie en probeer vir ’n bepaalde land en vertoning nuwe weergawes van treffers speel. Ek beplan ’n ongelooflike optrede vir aanhangers; ek kan skaars wag om te speel. Jou hervermenging van Tracy Chapman se Fast Car was ’n groter treffer as haar oorspronklike, wat sy in 1988 (en weer in 2011) uitgereik het. Ongelooflik. Hoe voel jy daaroor? Dit was wonderlik om te weet mense hou van wat ek met die liedjie gedoen het. Ek het glad nie probeer om die oorspronklike een te oortref nie, maar het gevoel dit moet vir ’n nuwe, jonger generasie oorgedoen word. Ek is bly almal was mal daaroor. Wie was jou musiekinvloede as kind? Michael Jackson, Quincy Jones, Daft Punk en Jean-Michel Jarre. Wie is bobaas op jou speellys? Ek luister baie na die Sweedse liedjieskrywers Max Martin en Shellback se liedjies, en na Taylor Swift, Bruno Mars en Calvin Harris en selfs meditasiemusiek. Hoe ontspan jy? Ek bly by die huis en kyk flieks. Wat sou aanhangers verbaas omtrent jou? Ek’s ’n ywerige tuinier. Met watter musikant sal jy graag wil saamwerk? Shawn Mendes. As jy nie musiek gemaak het nie, wat sou jy gedoen het? Ek sou waarskynlik agter die skerms in die musiekbedryf gewerk het. S